Nahum 1:8 - Bible azumeina

⁸ Wani mba mi b’lak azí ma ngol máma woi kabil ma nga mi sulul lei huhubupma, mba mi dik mam suma djangûna gak mi tchuguzi kur nduvunda.

Nahum 1:8 Kruisverwysings

Wana ni mbaktumba hi Job-pa 30:15

Mandarâ mi vanu, a hle subur manda woi d’igi simetna mi hle vana woi na; djivi manda ti kal lei d’igi d’ugula ti kal lei na mi.

Wana ni mbaktumba hi Job-pa 40:11

Gola! Ad’engêm nata furumu, sib’igim nata hliwim krovo mi.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Isai 13:9

Gola! Burâ hi Ma didinina nga mi mba. Ni bur ma bei we hohowa sa kur ba na, ni bur ma ayî ma bibiliuna. Mba mi b’lak ambasa woi mi mbud’ut fulâ, mba mi dap suma a le tchod’ina woi mi.

Isai 28:17

An mba ni hle gagazid’a d’igi regle ma nga ahlena na, an mba ni hle d’ingêra d’igi nivo ma gol gongîyona na mi. Mogoina mba mi pleyêgi yima ka zla ma agi ngeyegi tagi kuana woyo, mbina mba mi hle yi magi ma aboi ma agi kagagi kuana woi mi.

Isai 28:18

Vun magi ma djin ma agi djinim ki matnina, mba mi but teyo, bana d’a agi vat ki yima azuleinid’a, mba d’i but tei mi. Fata tugud’ei d’a tcho d’a tchi matna ti ndja abot tei ti kala, mba d’i mired’egi kä kased’u.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 51:64

ang dala: Babilon mba d’i hlup kä hina dedege, mba d’i tchol akulo abo ndak ka an mba ni mbattchi kata d’i, wani mba d’i puk kä, mba d’i dap peyo. Zla d’a ded’a hi Jeremi-d’a dap da’.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.

Daniel 11:10

Amul ma abo ma norâ groma a mba min tazi á dur ayîna, a mba tok azigarâ ablaud’a mimiyâk. Ma dingâ adigazi mba mi i avok ki azigar mama, a mba tchila yam hagad’a d’igi toliyonda ti kus sei na, mba mi ndazì ma ngol ma ad’eng ma ngunguna durâ.

Daniel 11:22

Azigar suma a mba kus kama nga d’i, mba mi hazlazi woi pet, mba mi tchi ma ngolâ hi suma Alona mi djin vunam ki sed’ezina woyo.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Amos 8:8

Ambasa mba d’i zlak yam zla ndata d’uo zu? Suma a nga kaka katna a mba tchi horâ d’uo zu? Ambas ndata mba d’i hop akulo d’igi alum ma ngolâ na, mba d’i hulong kä d’igi alum ma Nil-lâ na mi.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Nahum 2:8

A ve wa alod’a, a i wa ki sed’ed’u, yugunei matna a nga zam tazi d’igi gugud’a na, a nga tchabozi kuruzi mi.

Sofoni 2:13

Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.

Matiye 7:27

Alona mi se, mbiyo ma kä na mi kuza, babarâ mi le bibik giget gong ndata mi, ti to kä woi ndjandjap, ti b’lak kei kakazeî mi.

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.