Nahum 1:6 - Bible azumeina

⁶ Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Nahum 1:6 Kruisverwysings

1 Amuleina 19:11

Ata yi máma Ma didina mi dum ala: Ang nde woyo, ang tchol akulo yam ahinad’a avoronu. An nga ni kala. Ata yi máma na wat, simat ma ngolâ mi mba sira bibik, ahinad’a wak kei sisirak avok Ma didina, wani Ma didina tamba nga aduk simet máma d’i. Bugol simetna, andagad’a yir gigidji, wani Ma didina mi nga aduk yir ndata d’uo mi.

Wana ni mbaktumba hi Job-pa 26:11

Grak ka akulo d’a ti nga tinda kata nga d’i giged’a, ti nga d’i le atchap abo ngop mamba.

Wana ni mbaktumba hi Job-pa 40:11

Gola! Ad’engêm nata furumu, sib’igim nata hliwim krovo mi.

Wana ni mbaktumba hi Job-pa 9:5

Nga mi djok ahinad’a woi bei ti we ba, kur ayî mama nga mi ulozot ad’ut akulo kad’u.

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Sawal la giled’a 76:7

Ata yima ang Alona hi Jakob-ma ang ngobozina, suma djang akulumeina a puk kä kakulumei mazina.

Sawal la giled’a 76:8

Angî Ma kal teglesâ! Ata yima hurung zalâ, ni nge ba, mi ndak á tchol avorong nge?

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 27:4

An nga ki hur ma zal kurun ndi, wani le an fe aweid’a azi ki kekerezeuna adugu ni, an mba ni tit kaziya, an mba ni ngalazi woi kakud’a.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Hor ma tchina 2:3

Kur ayî mam ma bibiliuna, mi kus ad’enga hi Israel-lîd’a woi pet. Ata yima mazi ma djangûna mi mbana, mi arazi bei ndjunda. Mi do akud’a ata suma hi Jakob-ma, ti ngal yina ti nguyuzi woi d’uhl mi.

Hor ma tchina 2:4

Mi ndir yeû mamba d’igi ma djangûna na, mi zi abom ma ndjufâ woi d’igi ma tchi suma na, mi b’lak ahle suma djivid’a á golina woi pet, mi do ayî mama d’igi akud’a na ata Jerusalem.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 30:16

An mba ni do azì ma Ezipte-na akud’a. Suma Sin-na a mba zlaga, suma a mba hulut ir gulumun ma No-na teteng, suma djangûna a mba hle Nof fî falei d’ad’ar.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Ezekiyel 7:8

Wani ki tchetchemba, an nga ni mba kayî mana atogo zak, gak ni ndak vun ayî mana á ngobogiya. An mba ni kagi sariyad’a kagi yam tit magid’a, an mba ni wuragagi yam sun magi d’a ndjendje d’a lara ge pet mi.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Sofoni 2:2

avok ka bei vun ma hed’a mba tua d’a, bei burâ mi kal d’igi brad’a ti fel lei na d’a, bei ayî ma bibiliuna hi Ma didina mi mba kagid’a, bei bur ma ayî máma mi mba kagid’a.

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Vama ndum mbeina 16:1

An hum dela ngola ti tcholï kur gong nga kud’ora hAlonid’a. Ti de mi malaika suma kid’iziyana ala: Agi i vogi ayîna hAlona ma nga kur angulei suma kid’iziyanina woi yam andagad’a.

Vama ndum mbeina 16:8

Malaika ma fid’ina, mi vo mama yam afata. Ni ma a hum ad’enga á ngal suma woi kakud’ina.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?