Nahum 1:5 - Bible azumeina

⁵ Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Nahum 1:5 Kruisverwysings

2 Samuel 22:8

Ata yima hurum zalâ, andagad’a ti yir gigidji, ti giget mi; ad’u ged’a hakulod’id’a ti yira, andagad’a kakulod’a a giget mi.

Wana ni mbaktumba hi Job-pa 26:11

Grak ka akulo d’a ti nga tinda kata nga d’i giged’a, ti nga d’i le atchap abo ngop mamba.

Wana ni mbaktumba hi Job-pa 9:5

Nga mi djok ahinad’a woi bei ti we ba, kur ayî mama nga mi ulozot ad’ut akulo kad’u.

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 114:4

Ahuniyôna a nga gal d’igi gamlâna na, ahuniyô suma gureina a nga dubar d’igi gro aho’â na mi.

Sawal la giled’a 114:6

Agi ahuniyôna, ni kayam me ba, agi galagi akulo d’igi gamlâna na ge? Agi ahuniyô suma gureina, ni kayam me ba, agi dubaragi d’igi gro aho’â na ge?

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 18:8

Ata yima hurum zalâ, andagad’a yir gigidji, ti giget mi; ad’u ahuniyôna pet a yira, a giget mi.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 68:8

Ata yima ang Alona ndei woi avok sum mangâ avo Ezipte ang nga tit avorozi hur fulîna, Tchol ndjö

Sawal la giled’a 98:7

Ar alum ma ngolâ mi oî d’igi azlona na kahle suma kuruma pet, andagad’a kahle suma nga katna pet mi.

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Isai 24:1

Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Ezekiyel 38:20

Kuluf ma kur alum ma ngolîna kaluwei suma akulona a mba zlak avoronu. Ambureina kazureina kahle suma a dram kä yam andagad’ina pet ki suma a nga kaka yam andagad’ina pet a mba zlaga. Ahuniyôna a mba didak rotna kä, gongôd’id’a mba d’i dris kä, gulumuna pet mba mi dris kä mi.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Amos 9:5

Salad’a Ma didin ma ad’engêm kal petna, mi tin abom yam andagad’a, ti giged’a; suma a nga kaka katna pet, a nga yor taziya. Ti hop akulo ki zla tat pet d’igi alum ma Nil-lâ na, ti mba d’i hulong kä d’igi alum máma na mi.

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 6:14

Akulod’a a d’ud’ut tei d’igi a d’ut haragad’a na, ahinad’a ki til la lara ge pet a pad’azi woi ata yaziya.

Suma ka sariyad’a 5:5

Ahuniyôna a zlak avok Ma didina, Sinai pî ti zlak avok Ma didina Alona hi Israel-lîna mi.