Nahum 1:2 - Bible azumeina

² Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Nahum 1:2 Kruisverwysings

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Sawal la giled’a 94:1

Ma didina, angî Alo ma hlatchugula, angî Alo ma hlatchugula, ar ang tak subur manga woyo.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Buzuk ka Abud’a 34:14

Ar agi grivigi kä avok alo ma ding ngi, kayam an Ma didina simiyên ala Yungôrâ. An nAlo ma yungôrâ mi.

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 50:15

Agi nguyugizi ki sor ra ayîna. A nga bar aboziya, aziyazi nga mi dris kä, gulumun mazina nga mi to kä woyo, kayam ni bur ma sä atchugula hi Ma didinina. Agi sagi atchugula ki sed’eziya! Agi lazi d’igi azi ladjeu na mi!

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 36:6

Kayam ndata, ang Ezekiyel, ang djok vuna yam andaga d’a Israel-lâ, ang de mahuniyôna, mi yima ndingâ, mi toliyonda ki hora mi ala: Salad’a Ma didina mi dala: Gola! An nga ni de zlad’a kur yungôr mana ki hur man ma zala, kayam andjaf suma dingâ a nga kragagi ngula.

Ezekiyel 38:18

Ang Gok, kur bur ma ang mba mba ata suma yam andaga d’a Israel-la á durîna, hurun mba mi zal kang ngola. An Salad’a Ma didina ni de na!

Ezekiyel 38:19

Kur yungôr mana, kur ayî man ma aku ma bibiliuna, an nga ni dang ngei mbak ala: Kur bur máma andaga d’a Israel-la mba d’i yir gigidji.

Ezekiyel 39:25

Gola! An Salad’a Ma didina ni dala: Ki tchetchemba, an mba ni hulong suma hi Jakob suma a yozi magombina avo, an mba ni we hohowa Israel-lâ pet, an mba ni ngom simiyên Ma bei tchod’a ba na djivid’a mi.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Ezekiyel 6:12

Ma sä deina, tugud’ei d’a tcho d’a tchi matna mba d’i tchumu. Ma gona, a mba tchum avun ayîna. Ma mba mi arâ, a mba nguyum kä kayîna, baktarad’a mba d’i tchumu. An mba ni ndak vun hur man ma zala, gak ni ngoboziya.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Joel 2:18

Ma didina nga mi hat hurum yam sum mama, nga mi wazi hohowozi mi.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Zakari 1:14

Malaika ma nga mi dan zlad’ina mi dan ala: Ang er ad’ung akulo, ang tchi wala ala: Ma didin ma ad’engêm kal petna mi dala: An nga ki hur ma hat ma ngolâ yam Jerusalem ki Siyon.

Zakari 8:2

An nga ki hur ma hat ma ngolâ yam Siyon, an hurun nga mi hat ngola kat heî mi.

Ndumba 25:11

Fines Elazar gorom ma Aron ma ngat buzuna gorom ngolona, mi b’lengên hurun yam Israel-lâ, kayam mam nga ki yungôrâ d’igi an na adigaziya. Kayam ndata, an nga kur hur ma zala á ngalazi woi d’uo d’a.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 13:4

Kayam mam mi ma sunda hAlonina á ing kur djivid’a. Wani le ang le tchod’a ni, ang le mandarâ, kayam mam nga kad’enga á gad’ang gagazi. Kayam mam mi ma sunda hAlonina á tak ayîna hAlonina woi á gat sama le tchod’ina.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Gat ta a hat á mbàd’id’a 7:10

Wani nga mi ngop suma a noyôma, nga mi dabazi woi mi, nga mi le lilinga á ngop sama mi noyôma d’uo mi.

Hebre-na 10:30

Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana.

Josue 24:19

Josue mi de mi suma a to’â ala: Agi ndak á lagi sunda mi Ma didina d’i. Kayam mam mi Alo ma bei tchod’a ba na, nAlo ma yungôrâ; mam mba mi ve tam yam tchila magid’a ki tcho magid’a d’i.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.