Nahum 1:14 - Bible azumeina

¹⁴ Agi suma Ninif-fâ, Ma didina mi he vuna kagi ala: agi mba fagi andjaf ma mi yagi simiyêgina bugol luo d’a. An mba ni yo angus ahle suma tcheta kangus ahle suma agi yorogizi ki kaweinina woi kur gonga halo maginid’a, an mba ni djugot zula kä kagiya, kayam zlagi nga d’uo d’a.

Nahum 1:14 Kruisverwysings

2 Amuleina 19:37

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ tu a yum ala Esar-Hadon mi vrak tamula blangâmu.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Wana ni mbaktumba hi Job-pa 18:17

Sa mba mi djib’er kam yam andagad’a ka hî d’i, simiyêm mba mi yi ata yima ding nguo mi.

Sawal la giled’a 109:13

Ar andjavam mi dap peyo, ar simiyêm mi sil lei kur atchogoi d’a nga d’i mbad’a!

Sawal la giled’a 71:3

Ang mbut nahina man nda an ngei tan kuad’a, ni yima ang he vuna kam ala an i kua teteu á sut tanu na, kayam angî ahina manda ki gulumun man ma ngei tana.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Zla d’a d’ogolâ 10:7

Djib’er ra yam sama d’ingêr ma mi mitna ni b’e vuna, wani a mba mar rei yam simiyê suma asa’at suma a bona.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 33:13

Agi suma sä deina, agi humugi vama an luma. Agi suma gona, agi wagi sib’ik manda mi.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Daniel 11:21

Sama suma a golom isâ mba mi vrak blangâm bei sa mi tchugum baru d’a amula atam ba. Mam mba mi mba ata yima suma a nga kaka tchugotna, mba mi hle leud’a ki mbut ira.

Daniel 5:27

TEKEL ad’ut nala Ngad’a: A ngang yam vama nga ahlena, a wala angî afefeta.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Mise 5:13

An mba ni kus agu ma agi pum malo d’a a yat ala Asera d’a na woyo, an mba ni b’lagagi azì magi ma nglona woyo.

Mise 5:14

An mba ni hlatchugulun kayîna ki hurun ma zal ma gugulu’â kandjaf suma a nga humun vunan nduo na.

Habakuk 2:10

Vama ang ngam kurung á led’ina, ni vama zulona yam aziyangû. Kid’a ang tchi suma ablaud’id’a, ang tchi ni ang tanga.

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.