Mise 7:6 - Bible azumeina

⁶ Kayam gorâ mba mi ngul abumu, gora mba d’i tchol huneîd’a kasud’u, atchad’a akunot ta hi gorotnid’a mba d’i tchol huneîd’a ki sed’ed’u, nge nge pî suma avo hatama a mba kak djangûna ki sed’emu.

Mise 7:6 Kruisverwysings

Ad’u Tinda 49:4

Angî d’igi mbiyo ma nga mi sulul huhubupma na, wani ang mba kak ma avo’â d’i, kayam ang bur kamanda, ang mbut azang man ma burâ ndjendjed’a.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Zla d’a d’ogolâ 30:11

Suma dingâ a nga yahlena yam abuyoziya, a nga de zla d’a djivi yam asuyozi d’uo mi.

Zla d’a d’ogolâ 30:17

Sama mi las abum mi gol asuma is mi na, gagau ma avun toliyondina mba mi pad’am iramu, agigilauna groma a mba tum mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Abdiyas 1:7

Buniyôgina a digigi gak a igi ir hagad’a, a mbud’ugi iragiya. Buniyôgina a kus kagiya. Suma a tagi te maginina a gunugi nga dauna kä avorogiya, a nga de kagi ala agi ni suma bei ned’a.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Matiye 26:23

Mi hulong dazi ala: Ma nga ni duvun ki sed’en kur angala tuna, ni ma mba han abo sumina.

Wana ni Zla d’a Djivi d’a Luc mi b’irita 12:53

A mba wala sana mba mi noî goroma, gorâ mba mi noî abumu, atchad’a mba d’i noî gorota, gora mba d’i noî asud’u, atchad’a mba d’i noî akunota, akunota mba d’i noyôt mi.

Wana ni Zla d’a Djivi d’a Luc mi b’irita 21:16

Simiyêgiya, b’oziyogina, andjavagi ki buniyôgina a mba hagi abo suma, a mba tchi suma dingâ ablaud’a adigagiya.

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.