Mise 7:1 - Bible azumeina

¹ Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Mise 7:1 Kruisverwysings

Sawal la giled’a 120:5

Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

Zla d’a d’ogolâ 20:6

Suma ablaud’a nge nge pî, mi de ni woi yam djivi mamba. Wani ni nge ba, mi fe sama d’engzengâ ge?

Isai 17:6

Ma didina Alona hi Israel-lîna mi dala: Israel-lâ a mba arî d’igi hele ma suma a tchuma d’oze d’igi agu olif ma suma a tchum ki agigleuna mi ar akulo ata aguwam mbà d’oze hindi d’oze fid’i d’oze vahl ata aboma na.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Isai 24:16

Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 28:4

Gola! Mba mi miret b’o d’a yak kei d’a djifa hi Samari-d’a kä kasemu. Nazì ma akulo yam yima nding ma avun hor ra tub’ad’ina. Samari mba d’i mbut ni d’igi tulum ma mi ne avok yam ma vutina na. Sama mi wum avok kikidjina, mi ndod’om hur abom mi gum avunam mi ligim atogo zak!

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Jeremi 15:10

Jeremi mi dala: Asunu, ni zla d’a hohoud’a kanu, kayam ndak vud’un sama yalâ sama huneîd’a kur ambas ndata pet! An he nga va mi sa ki mbiyom mbi, an ve nga vama mbiyo abo sa d’uo mi. Wan pî, suma pet a nga ngulunu.

Jeremi 24:2

Tulum ma kur gagalaga d’a tud’ina ni tulum ma djivina d’igi tulum ma mi ne avo’â na. Ma kur gagalaga d’a mbàd’ina ni tulum ma tcho ma mi ndak nga á ted’a d’uo na.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Wana ni mbaktumba hi Oze-d’a 9:10

Ma didina mi dala: An fe Israel-lâ nabagei hur fulâ d’igi guguzlud’a na, an wabuyozi ngolo ni d’igi vud’a tulum ma mi ne avo’â na, wani a i bugol alo ma a yum ala Bäl-Peyor-râ, a tin tazi irat vat mi va mazi ma ndjendjed’a, a mbut ndjendjed’a d’igi va mazi ma huruzi vuma na.

Ndumba 18:13

Ahle suma navok kur asine suma a mba handji mi an Ma didinina, a mba arî mangâ. Sama lara ma avo hatang ma yed’etna, mi ndak á taziya.