Mise 1:6 - Bible azumeina

⁶ Ma didina mi dala: Kayam ndata, an mba ni mbut azì ma ngol ma Samari-na d’igi mola hahina d’a kur asinenid’a na, an mba ni mbud’umî yima pe guguzlud’a, an mba ni durum ahina mamba woi kur hora, an mba ni aram ad’um mba ged’a woi abu mi.

Mise 1:6 Kruisverwysings

2 Samuel 17:13

Le mi kal kur azì ma ngol ma ding tu ni, Israel-lâ pet a mba mba ki ziyona ata azì máma, ei mba tan azì máma gak komza kä woi kur toliyonda, gak abo gonga mba d’i ar akulo d’i.

2 Amuleina 18:10

Mi hlazì ma ngol ma Samari-na kur dabid’a hi bizad’a hindid’a, nala, ni kur biza d’a karagaya d’a Ezekiyas nga mi tamulid’a. Ni biza d’a zlengâ d’a Ose amul ma Israel-lâ nga mi tamulid’a mi.

2 Amuleina 18:9

Kur biza d’a fid’i d’a Ezekiyas nga mi tamulid’a, ni biza d’a kid’iziya d’a Ose Ela goroma amul ma Israel-lâ nga mi tamulid’a, Salmanasar amul ma Asiri-na mi mba á dur ayîna ki Samari, mi nguyut kä.

2 Amuleina 19:25

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni ndagazi vunazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 17:1

Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Isai 25:12

Mba mi togi gulumun magi ma fiyak ma ad’eng ma ngunguna woyo, mba mi tom kä woi andaga ndjandjap mi.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Jeremi 31:5

Ndak mba d’i pe guguzlu maka yam ahuniyô suma Samari-na. Suma ped’a a mba pad’u, a mba dud’ut vud’ut mi.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Ezekiyel 13:14

An mba ni to gulumun ma agi gulud’ugizi ki lasod’ina kä woyo, an mba ni drizim kä woi andaga. Ad’um mba ged’a mba d’i ar rei pid’agi, mba mi dris kä woyo. Agi mba dabagi woi kurumu, agi mba wagi ala an ni Ma didina.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Habakuk 3:13

Ang nde woi abu á sut sum mangâ, á sut ma ang manama, ang b’lak amulâ hi suma tchonina woyo, ang tchi sum mama woi pet mi. Tchol ndjö

Matiye 24:2

Wani Jesus mi hulong dazi ala: Agi wagi nga ahle ndazina pet tuo? Gagazi, an nga ni dagiya, ahina d’a a mba arat akulo yam ndrat ahinad’a bei hôt kä woid’a nga d’i.