Mise 1:3 - Bible azumeina

³ Gola! Ma didina mi nde wa woi ata yam ma kaka, mi tchuk asem kä, nga mi tit akulo yam ahuniyôna.

Mise 1:3 Kruisverwysings

Wana ni mbaktumba hi Job-pa 40:12

Andjawam mbad’enga d’igi agu sedrena na, sidei ma giglangâma mi nga zlapa ata yima tuna á hum ad’enga,

Sawal la giled’a 115:3

Alo meina mi sä nakulo; nga mi le vama hurum minima mi.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Amos 9:5

Salad’a Ma didin ma ad’engêm kal petna, mi tin abom yam andagad’a, ti giged’a; suma a nga kaka katna pet, a nga yor taziya. Ti hop akulo ki zla tat pet d’igi alum ma Nil-lâ na, ti mba d’i hulong kä d’igi alum máma na mi.

Habakuk 3:19

Ma didina, angî ad’eng manda; ang mbud’un asen ad’enga d’igi ma hi pandrid’ina na, ang nga tinin á tita akulo yam ahuniyôna. Mi ma ngolâ hi suma hle sawalina kading mama.

Zakari 14:4

Kur bur máma mba mi tin asem yam ahina d’a Olif fa ngagad’a yam Jerusalem abo ma yorogonid’a. Ahina d’a Olif ndata mba d’i wak kä aduk mbà. Abot ma hina mba mi dadak kazigam abo ma norâ, ma hina mba mi dadak kazigam abo ma sutna mi. Hor ra ngola mba d’i ar adigaziya, mba d’i i irat abo ma yorogona kabo ma fladegena mi.

Gat ta a hat á mbàd’id’a 32:13

Mi djak ki sed’ezi akulo yam ambas sa ata yima ndingîd’a, mi hazi te ma abageina; mi hazi mbul ayum ma aduk ahinad’ina, mi hazi mbul ma aduk ahina d’a ad’engina mi.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.