Matiye 4:25 - Bible azumeina

²⁵ Ablau suma a nga i ad’umu, nala, suma Galile-na, suma kur Azì ma nglo ma dogona, suma Jerusalem-ma, suma Jude-na ki suma a nga kaka avun alum ma Jurdê-na abo woi hina mi.

Matiye 4:25 Kruisverwysings

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Marik 5:20

Mam pî mi tchol mi iya, mi nde tchi wala kur Azì ma nglo ma dogona yam ahle suma Jesus mi lazi ki sed’ema. Suma pet a le atchap.

Marik 7:31

Jesus mi nde woi kur andaga d’a Tir-ra, mi hulongî ni ki lovot ta Sidon-nda, mi kal yam andaga d’a Azì ma nglo ma dogona mi nga kuad’a, mi i avun apo d’a Galile-d’a.

Wana ni Zla d’a Djivi d’a Luc mi b’irita 6:19

Ablau suma pet a nga hal á domu, kayam ad’enga nga d’i buzuk kei atam á sud’uzi pet.

Marik 6:2

Kid’a bur ma sabatna ndaka, mi tin ad’u á hat suma kur gong nga toka hi Juif-fîd’a. Ablau suma a huma, a le atchap, a dala: Sa máma mi fahle ndazina ni lara na ge? Mi fe ne ndata ni lara ba, nga mi lahle suma ndandal ndazina na ge?

Matiye 19:2

Ablau suma a i ad’umu. Ata yi máma, mi sud’uzi kur tugud’ei mazid’a.

Matiye 12:15

Kid’a Jesus mi we hina d’a, mi nde woi ata yi máma. Ablau suma a i ad’umu, mi sud’uzi woi kur tugud’ei mazid’a pet mi.

Matiye 8:1

Kid’a Jesus mi tchugï asem kä woi yam ahinad’id’a, ablau suma a i ad’umu.

Matiye 5:1

Kid’a Jesus mi wablau sumid’a, mi djak akulo yam ahinad’a, mi kak kä. Mam suma hata a mba gevemu.

Matiye 4:15

Andaga d’a Zabulon-nda kandaga d’a Neftali-d’a suma a nga kaka avun lovot ta i avun alum ma ngolîd’a suma sä abo alum ma Jurdê-na woi hina suma kur Galile d’a handjaf suma dingîd’a