Matiye 12:44 - Bible azumeina

⁴⁴ Mi dala: An mba ni hulong kur gong man nda an ndeï woi kuad’a. Kid’a mi mbazid’a, mi fat hurut hawa, minda, tora woi d’id’ing.

Matiye 12:44 Kruisverwysings

Wana ni mbaktumba hi Oze-d’a 7:6

Ata yima a nga ndjak vunazi á tchol ki huneîd’ina, huruzi mi mbut ni d’igi aku d’a füra na. Wani andjege huruzi ma d’igi aku d’a füra na na nga mi bur sena. Yorogo mi ngal d’igi aku d’a nga d’i ngala na.

Matiye 12:29

Na ni sana mi ndak á kal avo hi sama ad’engâ á hurumum bei mi djinim avok su? Wani mi djinimî djina tua ba, bugola, mi hurumum ahligiyem tua mi.

Matiye 12:43

Jesus mi had’azi kua ala: Ata yima muzuk ma tchona mi nde woi kur sanina, mi i ata yima bei mbina á hal yima tuk tama, wani mi fum mbi.

Matiye 12:45

Wani mi iya, mi yoï muzuk ma tcho ma dingâ kid’iziya ma kalam ki tchod’ina, a tchuk kur gong ndata, a kak kua. Sa máma tcho mam mba dananda mba d’i kal la avoka. A mba le hina dedege ki suma tcho suma kur atchogoi d’a wandina mi.

Wana ni Zla d’a Djivi d’a Luc mi b’irita 11:25

Kid’a mi mbaza d’a, mi fat hurut minda tora woi d’id’ing.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

Jean 13:27

Bugol la Judas mi vavuna dad’a, Seitan mi kal kurumu. Kayam ndata, Jesus mi de mi Judas ala: Vama ang luma, ang lum atogo.

1 Korente-na 11:19

Djivid’a wala mba adigagi hina á we suma gagazi suma adigagina.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.