Marik 1:44 - Bible azumeina

⁴⁴ mi dum ala: Ang gol tang djiviya! Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Marik 1:44 Kruisverwysings

Matiye 8:4

Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Marik 1:43

Ata yi máma Jesus mi hum vuna kad’enga, mi gum abua,

Wana ni Zla d’a Djivi d’a Luc mi b’irita 17:14

Ata yima mi wazina, mi dazi ala: Agi i tagagi tagi mi suma ngat buzuna. Kid’a azi nga id’a, libi mazina mi yak keyo.

Wana ni Zla d’a Djivi d’a Luc mi b’irita 5:14

Jesus mi gad’am ala: Ang de zla ndata mi sa d’i. Wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Sunda hi suma a sunuzinid’a 23:22

Kayam ndata, ma ngol ma kalâ hi azigarîna mi ar gor azong máma mi iya, mi gad’am ala: Ang de zla d’a ang dandjid’a mi sa d’i.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.