Malatchi 3:18 - Bible azumeina

¹⁸ Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Malatchi 3:18 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 17:10

Wani buniyôna, agi pet hulongôgï ki zla magi d’a de ndata, an mba ni fe sama ne adigagi tu d’i.

Wana ni mbaktumba hi Job-pa 6:29

An nga ni tchenegiya, agi hulongôgïya, agi lagi sun nda ata yat tuo d’a d’i; agi hulongôgïya, zla manda ni zla d’a irata.

Buzuk ka Abud’a 11:7

Wani aduk Israel-lâ adina pî mba mi ngo vunam á bu sana d’oze d’uwar ma ding tu d’i, kayam agi mba wagi ala an Ma didina ni ma wal ir Ezipte-na woi ki Israel-lîna.

Jeremi 12:15

Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi.

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!