Malatchi 3:1 - Bible azumeina

¹ Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Malatchi 3:1 Kruisverwysings

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Isai 40:10

Gola! Salad’a Ma didina nga mi djï kad’enga. Mi nga kad’enga á te yamba, nga mi djï ki wurak mamba; wurak ka yam sun mambid’a nga abom mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Wana ni mbaktumba hi Aze-d’a 1:13

Aze ma Ma didina mi sunuma, mi de mi suma d’igi Ma didina mi sunumï na ala: Ma didina mi dala: An nga ki sed’egiya.

Malatchi 2:4

Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Matiye 11:14

Le agi hagi gagazid’a yam zla manda ni, Jean ni Elie ma a dum zlam mbei ala nga mi mba na.

Wana ni Zla d’a Djivi d’a Luc mi b’irita 1:76

Ang gorona, a mba yang ala ma djok vuna hAlo ma sä akulo ma kal teglesîna, kayam ang mba tit avok Salad’a á min lovot mamba,

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Wana ni Zla d’a Djivi d’a Luc mi b’irita 2:38

Ata yi máma, ti mba, ti le mersi mAlona. Ti de zlad’a hi gor mámid’a mi suma pet suma a nga djup pat ta Alona mba mi pat Jerusalem mbeid’a.

Wana ni Zla d’a Djivi d’a Luc mi b’irita 2:46

Bugol bur ma hindina, a fum kur gong nga kud’ora hAlonid’a. Mi nga kak kä aduk suma hat suma, nga mi humuziya, nga mi djobozi mi.

Sunda hi suma a sunuzinid’a 19:4

Paul mi dazi ala: Jean mi le suma batemba ni kayamba azi mbut huruzi yam tcho mazid’a. Mi de mi Israel-lâ ala a he gagazid’a yam ma nga mi mba blogoma, nala, Jesus.

Sunda hi suma a sunuzinid’a 7:38

Ni mam ma nga tchola kur tok ka hur fulîd’a ki malaika ma mi dum zlad’a yam ahina d’a Sinai-d’a kabuyoi ngolona. Ni mam ma mi ve zla d’a arid’a hAlonid’a, mi heizina mi.