Malatchi 2:5 - Bible azumeina

⁵ Vun ma djin ma an djinim ki sed’ezina narid’a ki halasa; an hazizi kayam a lan ki mandaranu, a ringîn mandaran a zlak avoron mi.

Malatchi 2:5 Kruisverwysings

Sawal la giled’a 61:5

An min kak kur zlub’u manga teteu, an hal yima ngeid’a nad’u ahlabangû. Tchol ndjö

Zla d’a d’ogolâ 14:2

Sama nga mi tit tit ta d’ingêrina nga mi le mandara Ma didina, wani sama nga mi tit tit ta gundina nga mi golomî is.

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Ndumba 25:7

Kid’a Fines Elazar goroma Aron ma ngat buzuna gorom ngolona mi wazi d’a, mi tcholï aduk ablaud’a, mi hle asapa abomu,

Ndumba 25:8

mi i ad’u ma Israel-lâ krovo kur zlub’u mamba, mi tchogom katcha ndata huyogozi ki zla tazi djak. Ata yi máma tugud’ei d’a tcho d’a tchi matna ti ar bei tchi Israel-lâ.

Ndumba 3:45

Ang tinin suma hi Levi-na irazi vazi mi an Ma didina balum gro Israel suma a vud’uzi avo’â, ang tinin d’uwarâ hi suma hi Levi-nina iram vam mi an balum d’uwarâ hi Israel-lâ ma a vut avo’îna. Suma hi Levi-na ni sum mana, kayam an ni Ma didina.

Ndumba 8:15

Bugol ahle ndazina, suma hi Levi-na a kal kur zlub’u d’a ngaf tad’a á le sunda. Ni hina ba, ang tinizi irazi vaziya, ang tagazi akulo avogon an Ma didina mi.