Malatchi 2:4 - Bible azumeina

⁴ Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Malatchi 2:4 Kruisverwysings

1 Amuleina 22:25

Mise mi dum ala: Ang tang mba wad’ud’a kur bur ma ang mba ring kur gong hî, kur gong hî á ngeid’ina.

Nehemi 13:29

An tchen Alona kua ala: Alo mana, ang djib’er kaziya, kayam azi mbut sun nda ngat buzuna ki vun ma djin ma suma ngat buzuna ki suma hi Levi-na a djinim ki sed’engâ ndjendjed’a.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Jeremi 28:9

Wani le ma djok vuna mi djok vuna yam b’leng nga halasa ni, suma a mba wala Ma didina mi sunumï ni mam gagazi ni fata zla d’a mam djok vuna kata ti led’a.

Ezekiyel 33:33

Fata ahle suma ang dazi woina a mbad’a, ata yi máma azi mba wala ma djogon vunana mi nga adigaziya. Gola! Ahle ndazina a nga djïya!

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Ndumba 18:2

Ang mba hud’ï b’oziyong suma hi Levi suma ad’u andjafâ habungâ, kayam azi kak ki sed’eng á ndjunung ata yima agi ki grongâ agi mba igi avun zlub’u d’a zanduk mana nga kuad’ina.

Ndumba 18:21

Ma didina mi de mi Aron kua ala: An he dim ma Israel-lâ a nga handjina mi suma hi Levi-na djona. Ni wurak ka yam sun mazid’id’a, nala, sun nda zlub’u d’a ngaf ta d’a azi nga lata.

Ndumba 25:12

Kayam ndata, ang dumu, an djin wa vun ma djin ma b’leng ma halasâ ki sed’emu.

Ndumba 3:11

Ma didina mi de mi Moise kua ala:

Ndumba 3:12

Ni an ba ni man suma hi Levi-na aduk Israel-lâ á vrak balum gro suma a vut avo’â hi Israel-lîna á kak sum mana.

Ndumba 3:45

Ang tinin suma hi Levi-na irazi vazi mi an Ma didina balum gro Israel suma a vud’uzi avo’â, ang tinin d’uwarâ hi suma hi Levi-nina iram vam mi an balum d’uwarâ hi Israel-lâ ma a vut avo’îna. Suma hi Levi-na ni sum mana, kayam an ni Ma didina.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Wana ni Zla d’a Djivi d’a Luc mi b’irita 10:11

Gugum ma hur aziyagi ma ngol ma mi ve hur asemina pî ni, ami pogizi kagiya. Wani agi wagi woi ala Alona mi mba wa adigagi á te leu mamba.

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.