Malatchi 2:17 - Bible azumeina

¹⁷ Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Malatchi 2:17 Kruisverwysings

Wana ni mbaktumba hi Job-pa 34:17

Na ni sama kak djangûna ki d’ingêrina mba mi te yamba zu? Ang ndak á ka sariyad’a yam Ma d’ingêr ma ad’engêm kal petna zu?

Wana ni mbaktumba hi Job-pa 34:36

Ar Job mi iya avogovok kur kuk mamba, kayam nga mi hulong zla d’a ded’a d’igi suma asa’atna a de na.

Wana ni mbaktumba hi Job-pa 36:17

Le ang nga pat zlad’a woi kangî d’igi suma asa’atna na ni, a mba arang bei tod’a d’i.

Wana ni mbaktumba hi Job-pa 9:24

Mi handagad’a abo suma asa’atna, mi duk ir suma ka sariyad’a woyo! Le ni mam mbuo ni, ni nge ge?

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 1:14

Tan nga d’i lan djivid’a yam vun til ma agi lagizi kur bur ma deîd’a hi tilîna d’i, yam vun til ma agi lagizi kur bur ma vun til magi ma teteng ma a ngama d’uo mi. Kayam azi nga tchan aneka, an kau wa abo zi d’a ni zizid’a mi.

Isai 29:15

Ni zla d’a hohoud’a yam suma a nga ngei nga hur mazina kä avok Ma didina suma a nga le sunda kur nduvunda suma a nga dala: Ni nge mi golei mi wei ge na.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 43:22

Ma didina mi dala: Agi Israel-lâ, ni an ba, agi yan ndi, wani agi suma hi Jakob-ma, agi kawagi ni kawa kan ndö.

Isai 43:24

Agi guzugi nga mbul ma his ma afufuîna ki bege d’a ngola kan ndi, agi hobon nga ki mbul ahle magi suma ngat buzuna d’i, wani agi b’lagan ndi djib’er manda ki tcho magid’a, agi kawan ndi ki tchila magid’a mi.

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 17:15

Gola! A nga dan ala: Zlad’a hi Ma didinid’a, ti nga ni lara ge? Ar ti mbä!

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 8:12

Mi dan kua ala: Ang gor sana, ang nga wahle suma suma nglo suma Israel-lâ a nga lazi kur nduvunda wana zu? Nge nge pî filei ma tcheta mi nga oîd’a kur gong mamba! Kayam azi nga dala: Ma didina nga mi wei d’i, Ma didina mi ar wa ambas sa wanda woyo.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Amos 2:13

Gola! An mba ni mired’egi kä ata yagi d’igi pus ma yo aneka kurum ma mi miret andagad’a kä na na.

Sofoni 1:12

Kur bur máma an mba ni hal hur azì ma Jerusalem-ma ni ki lalamba, an mba ni ngop suma a nga burâ kä kur tcho mazid’a suma a nga de kuruzi ala: Ma didina nga mi le vama djivi d’oze vama tcho d’uo na.

Malatchi 2:14

Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Malatchi 3:8

Sana mi lop ir Alona ko zu? Wani agi lobondiya. Agi nga dagi ala: Ami lobong irang ni ki me ge? Ni kur dima ki he d’a hawad’a.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.