Malatchi 2:15 - Bible azumeina

¹⁵ NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

Malatchi 2:15 Kruisverwysings

Ad’u Tinda 1:27

Hina Alona mi le sana d’igi mam na, mi lum hle tam d’igi mam na; mi le mandjufâ katchad’a mi.

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Ad’u Tinda 24:44

le d’i hulong dan ala: Ang tche, an gul mi djambal mangziyo mi ni, ni ndat ba, ang Ma didina ang manat yam salana goroma.

Ad’u Tinda 27:46

Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

Esdras 9:4

Ata yi máma suma a le mandara zlad’a hAlona hi Israel-lîna yam tcho d’a suma a tcholï ata yima magomba a latina, a tok gevenu. An ar kaka ata yi máma ki hur ma hata ngola gak ler ra a ngat ahlena buzuna fladeged’a.

Nehemi 13:24

Grozi suma dingâ a de ni vun Asdot-na, a we nga de vun Juif-fâ d’i, a de ni vuna hi suma dingîna teteng.

Wana ni mbaktumba hi Job-pa 27:3

Ata yima an nga ni fona, ata yima muzuka hAlonid’a ti nga atchinan tua na,

Buzuk ka Abud’a 20:14

Ar ang le mizeuna d’i.

Zla d’a d’ogolâ 2:17

d’a ti ar ndjuvut ma d’umba woi d’a mar yam vun ma djin ma ti djinim avok Alonina woid’a.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Zla d’a d’ogolâ 6:25

Ar ang le d’od’oka kurung yam djif matna d’i, ar ti vang ki irat ta bizeina d’i.

Zla d’a d’ogolâ 7:25

Ar hurung mi mbut á tit ad’u atcha d’a na d’a d’i, ar ang ba woi kur lovot mata d’uo mi.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Malatchi 2:14

Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Jean 20:22

Kid’a mi de hina d’a, mi fo muzugam kaziya, mi dazi ala: Agi vagi Muzuk ma bei tchod’a ba na kurugiya.

Sunda hi suma a sunuzinid’a 3:25

Vun ma djin ma Alona mi djinim avun suma djok vuna ni kagiya. Agi ni darigïd’a yam vun ma djin ma Alona mi djinim kabuyogi ngolo ata yima mi de mi Abraham ala: An mba ni b’e vunan yam andjaf suma yam andagad’ina pet ni yam andjavangû na mi.

1 Korente-na 7:14

Kayam mandjuf ma bei he gagazid’a, Alona mba mi tinim iram vam ni yam amamba. Atcha d’a bei he gagazid’a, Alona mba mi tinit irat vat ni yam ndjuvut mi. Le hina d’uo ni, grozina a mba mbut ni suma bei wAlona. Wani ki tchetchemba, Alona mi tinizi irazi vaziya.

1 Korente-na 7:2

Wani yam zla d’a mizeuna, djivid’a sama lara pî mi vatchad’a, atcha d’a lara pî ti ve ndjufâ mi.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

Efes-sâ 6:4

Agi abuyod’a, ar agi djogi grogina ki zlad’a d’i, wani agi wuluzi akulo, agi gad’aziya, agi had’azi zlad’a hi Salad’id’a mi.

Gat ta a hat á mbàd’id’a 7:4

Le hina d’uo ni, a mba wal grogina woi ki Ma didina, a mba kud’or alo ma dingâ. Ma didina hurum mba mi zal kagi ngola, mba mi dabagi woi atogo zak mi.

Wana ni mbaktum mba Paul mi b’irit mi Tit-ta 1:6

Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.

Wana ni mbaktum mba a b’irit yam Rut-ta 4:12

Ar Ma didina mi hang grona katcha d’a gor ndata, ar andjavang mi ka’î d’igi andjafâ hi Peres ma Tamar ri vud’um mi Juda-na na.

1 Samuel 2:20

Eli mi b’e vunam yam Elkana azi kamamba, mi de mi Elkana ala: Ar Ma didina mi hang gro suma dingâ katcha ndata á vrak balum gor ma ndat ti humzina. Ata yi máma azi hulong avo hataziya.