Malatchi 2:14 - Bible azumeina

¹⁴ Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Malatchi 2:14 Kruisverwysings

Ad’u Tinda 2:18

Wani Ma didina Alona mi de kurum ala: Nga djivid’a tala sana mi kak vam tu d’a d’i. An nga ni lum mba ndjun nda hle tat d’igi mam na d’a.

Ad’u Tinda 31:50

Le ang tchol wa á le gron suma aropma ndaka, le ang vik arop suma dingâ kazi kua ni, ang we sama adigeina ni sa d’i, nAlona tamba ba, ni glangâs ma adigeina.

Zla d’a d’ogolâ 2:17

d’a ti ar ndjuvut ma d’umba woi d’a mar yam vun ma djin ma ti djinim avok Alonina woid’a.

Zla d’a d’ogolâ 30:20

Wani ni lovota hatcha d’a mizeunid’a: Nga d’i le mizeuna, nga d’i mbus tat teyo, nga d’i dala: An le nga tcho d’i.

Zla d’a d’ogolâ 5:20

Gorona, ni kayam me ba, ang le d’od’oka yam atcha d’a gaulangâ ge? Ni kayam me ba, ang lam apo atcha d’a dinga ge?

Ma tchi wala 9:9

Ang kak ki furîd’a katcha d’a ang hurung vata ki kak mang nga hawa yak ka yam andaga d’a Alona mi hangzi kur kak mang nga hawa yak ka yam andagad’a ka hid’a. Wana ni b’rau manga yam sun mang nga ang lat ka hî yam andagad’a ki kaud’id’a.

Sawal la kal teglesa 1:15

Mi dala: Ndak ka an le kak heîd’a, ndak djif heî, ndak djif heî! Ira’î d’igi gugud’a na.

Isai 54:6

Ma didina mba mi hulong yak d’igi atcha d’a a digit tei d’a hurut nga mi had’ata na. Alo ma’â mi dala: Atcha d’a ndjuvut mi d’umut ki gogorot deid’a, ni nana ba, mi digit tei ge?

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Jeremi 42:5

A de mi Jeremi ala: Le ami mba lami sunda yam zla d’a pet ta Ma didina Alo mangâ mba mi dangzi á damizïd’a d’uo ni, ar Ma didina mi le glangâs ma irat ma d’engzengâ kamiya.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Malatchi 2:15

NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Malatchi 3:8

Sana mi lop ir Alona ko zu? Wani agi lobondiya. Agi nga dagi ala: Ami lobong irang ni ki me ge? Ni kur dima ki he d’a hawad’a.

Suma ka sariyad’a 11:10

Suma nglo suma Galät-na a de mi Jefte ala: Ma didina ni glangâs meina. Ami mba lami ahlena pet suma ang mba dami kazina.

1 Samuel 12:5

Samuel mi hulong dazi ala: Ma didina kamul ma mam manama ni suma glangâsâ kagi ini ala agi fagi nga zla kan ndi. A dala: Nata yad’u, azi ni glangâsâ.