Malatchi 2:1 - Bible azumeina

¹ Ma didin ma ad’engêm kal petna mi dala: Wana ni vun ma hed’a mi agi suma ngat buzuna:

Malatchi 2:1 Kruisverwysings

Jeremi 13:13

ata yi máma ang hulong dazi ala: Ma didina mi dala: Gola! An mba ni gurut suma a nga kaka kur ambas ndatina ki süm máma, zlapa kamulei suma a nga kaka yam zlam mba amula hi David-tina ki suma ngat buzuna ki suma djok vuna ki suma Jerusalem-ma pet mi.

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.