Malatchi 1:6 - Bible azumeina

⁶ Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Malatchi 1:6 Kruisverwysings

Sawal la giled’a 123:2

Gola! Ami irami nga ni tinda yam ang Ma didina Alo mamina d’igi azungeîna a nga tin irazi yam suliyozina na, d’igi yuguneina a nga tin irazi yam suliyozi suma aropma na mi, tala ang wami hohowomiya d’a.

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Zla d’a d’ogolâ 17:6

Momorogeina subur mazid’a ni grozi ngolona, gugureina subur mazid’a nabuyozi mi.

Zla d’a d’ogolâ 30:11

Suma dingâ a nga yahlena yam abuyoziya, a nga de zla d’a djivi yam asuyozi d’uo mi.

Zla d’a d’ogolâ 30:17

Sama mi las abum mi gol asuma is mi na, gagau ma avun toliyondina mba mi pad’am iramu, agigilauna groma a mba tum mi.

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 43:23

Agi han nga gro tumiyô magina he d’a hawa d’a ngala d’i, agi suburun nga kahle magi suma ngat buzuna d’i. An lagi nga kad’enga á han he d’a hawad’a d’i, an kawagi nga á han andosâ hi dubang magi ma his djivid’ina d’uo mi.

Isai 45:10

Ni zla d’a hohoud’a yam sama mi de mabum ala: Ni kayam me ba, ang vud’un nge na. Ni zla d’a hohoud’a yam sama mi de masum ala: Ni kayam me ba, ndak vud’un nge na mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Jeremi 23:11

Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

Jeremi 3:4

Ki tchetchemba, agi nga tchigi kan ala: Abumiya, banami ma ki gugurei tami deina.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 35:16

Gagazi, Jonadap groma Rekap grom ngolona a ge yazi kä ad’u vun ma he ma abuzi mi hazizina, wani agi nga humun ndi.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Wana ni mbaktumba hi Oze-d’a 12:8

Agi suma Efraim-ma, agi ni suma mbut abogina, kilo ma mbut ira mi nga abogiya, agi minigi ni mbut ir suma tu.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Malatchi 2:1

Ma didin ma ad’engêm kal petna mi dala: Wana ni vun ma hed’a mi agi suma ngat buzuna:

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Malatchi 2:8

Ma didin ma ad’engêm kal petna mi dala: Wani agi d’ezegi woi kur lovota, agi mbud’ugi hat magid’a ni vama dap asema mi suma ablaud’a, agi b’lagagi vun ma djin ma an djinim ki suma hi Levi-nina.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 15:4

Kayam Alona mi dala: Ang hu abung kasungû; sama mi ngul abum mboze asuma, ar a tchum mbeyo.

Matiye 15:6

Kayam ndata, agi mbud’ugi Zlad’a hAlonid’a woi vama hawana yam hata hi simiyêgi suma adjeunid’a.

Matiye 19:19

Ang hu abung kasungû, ang le yam ndrangâ d’igi ang tanga na mi.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Matiye 7:21

Jesus mi had’azi kua ala: Suma pet suma a nga yan ala Salamina, Salamina na, a mba kal kur leu d’a akulod’a pet ti, wani ni suma a nga le minda hAbun ma sä akulona hol.

Marik 10:19

Ang we vun ma hed’a mi dala: Ang tchi sa d’i, ang le mizeu d’i, ang kul li, ang le glangâs ma aboina d’i, ang mbut ir sa d’i, ang hu abung kasungû.

Marik 7:10

Kayam Moise mi dala: Ang hu abung kasungû. Mi de kua ala: Sama mi ngul abum mboze asuma, ar a tchum mbeyo.

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Wana ni Zla d’a Djivi d’a Luc mi b’irita 18:20

Ang we vun ma hed’a hAlonina ala: Ang le mizeu d’i, ang tchi sa d’i, ang kul li, ang le glangâs ma aboina d’i, ang hu abung kasungû.

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Wana ni Zla d’a Djivi d’a Luc mi b’irita 6:46

Jesus mi had’azi kua ala: Ni kayam me ba, agi nga yan ala Salamina, Salamina, wani agi lagi vama an dagi kama d’uo ge?

Efes-sâ 6:2

Ar ang hu abung kasungû. Wana ni vun ma he ma avok ma nga zlapa ki vun ma hled’ina.

Gat ta a hat á mbàd’id’a 1:31

Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Gat ta a hat á mbàd’id’a 5:16

Ar ang hu abung kasungû, d’igi an Ma didina Alo mangâ ni hang vuna na, kayam ang te ngola tatâ ki furîd’a yam andaga d’a an Ma didina Alo mangâ mba ni hangzid’a.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.