Malatchi 1:4 - Bible azumeina

⁴ Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Malatchi 1:4 Kruisverwysings

Wana ni mbaktumba hi Job-pa 12:14

Le mi b’lak va woyo ni, sama hulong mi minim akulona nga d’i. Le mi ge sana dangeina ni, sama gum akulona nga d’uo mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 34:10

Andjege ki faleya ti nga d’i mit tei d’i, andozot mba mi d’uzî hina gak didin. Atchogoid’a katchogoid’a mba d’i mbut ni hur fulâ, sa mba mi kal kua d’uo mi.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Jeremi 31:17

Ma didina mi de kua ala: Hur ma tinda mi nga yam andjavagu; gro’â a mba mba yam ambas mazid’a.

Jeremi 49:20

Kayam ndata, agi humugi zla d’a Ma didina mi ngat kurum yam suma Edom-mid’a, agi humugi nga hur ma mi ngam kurum yam suma a nga kaka Teman-na mi. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 49:8

Agi suma nga kaka Dedan-na, agi mbud’ugi iragi agi ringîgiya, agi i ngeyegi kur zul ahinad’a, kayam an nga ni mba ki b’laka yam agi andjafâ hi Esau-na, kayam yima a ngam á lagi ndaka kuana, mi mba wa.

Jeremi 5:17

A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Ezekiyel 11:10

An mba ni tchagi avun ayîna, an mba ni kagi sariyad’a kagi gak ir hagad’a hi Israel-lîd’a. Agi mba wagi ala an ni Ma didina.

Ezekiyel 25:13

Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Ezekiyel 25:14

An mba ni he lovota mi man suma Israel-lâ a mba hlan atchugulun ki suma Edom-ma. A mba gad’azi ndak yam ayî mana, yam hur man ma zal ma gugulu’â mi, a mba tagazi atchugul manda. Ni an Salad’a Ma didina ba, ni de na.

Ezekiyel 26:14

An mba ni arî ahinad’a tchola vat hina, agi mba mbud’ugi ni yima war abeina, a mba minigi akulo d’uo d’a, kayam ni an Salad’a Ma didina ba ni de.

Ezekiyel 35:4

An mba ni mbut azì mak ma nglona djona, ndak mba d’i mbut hohoud’a. Ata yi máma ndak mba d’i wala an ni Ma didina.

Ezekiyel 35:9

An mba ni mbud’uk djona ki irak fafat. Sa mba mi kak kur azì mak ma nglona d’uo d’a. Hina wani, ndak mba d’i wala an ni Ma didina.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Amos 3:15

An mba ni to azì ma andolâ kazì ma vun simetnina kä woyo. Azì ma a d’udjom ki sï ahlo’îna mba mi b’lak keyo, azina hi suma nglonina a mba tom kä woi ndjandjap. An Ma didina ni de na.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 6:11

Ata yima Ma didina mi he vunina, gong nga ngola mba d’i dris kä ti b’lak keyo, gong nga gora mba d’i to woi mi.

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.

Abdiyas 1:10

Kayam murud’um mba agi lat mi b’oziyogi suma hi Jakob-mid’a, zulona mba mi lagiya, a mba dabagi woi ki iragi fafat.

Malatchi 1:3

wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.

Matiye 12:30

Sama nga ki sed’en nduo na, ni man ma djangûna, sama nga mi tok ahlena ki sed’en nduo na, mi pleî nahlena woi mi.