Malatchi 1:3 - Bible azumeina

³ wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.

Malatchi 1:3 Kruisverwysings

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Isai 35:7

Hur ful ma kikid’i’â pî, mba mi mbut apo d’a mbina; ambas sa so d’a gangrasa pî, mba d’i mbut ambas sa lau mbina; yima hâna mi ka domina kuana pî, ped’eud’a ki tchereuna a mba deî kua.

Jeremi 49:10

Wani agi andjafâ hi Esau-na, ni an ba, mba ni hurum ahle magina, an mba ni b’lagagi yi magi ma ngeid’a woyo. Agi mba fagi yima ngeid’a d’i, wani agi andjavamu, b’oziyoma ki ndroma, an mba ni hagi abo ma b’lak yina, a mba wagi bugol luo d’a.

Jeremi 49:20

Kayam ndata, agi humugi zla d’a Ma didina mi ngat kurum yam suma Edom-mid’a, agi humugi nga hur ma mi ngam kurum yam suma a nga kaka Teman-na mi. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 49:33

Azì ma Hasor-râ mba mi mbut ni domina hi hânina, mi arî djona ki iram fafat. A mba fe sama kak kur ri, sa tu pî mba mi kak kua d’uo mi.

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 49:8

Agi suma nga kaka Dedan-na, agi mbud’ugi iragi agi ringîgiya, agi i ngeyegi kur zul ahinad’a, kayam an nga ni mba ki b’laka yam agi andjafâ hi Esau-na, kayam yima a ngam á lagi ndaka kuana, mi mba wa.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Ezekiyel 36:7

An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!

Ezekiyel 36:9

Gola! Ki tchetchemba, an mba wa atagiya, an mba ni mbut iran kagiya, a mba zumugiya, a mba zar awuna kagi mi.

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Abdiyas 1:10

Kayam murud’um mba agi lat mi b’oziyogi suma hi Jakob-mid’a, zulona mba mi lagiya, a mba dabagi woi ki iragi fafat.

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.