Malatchi 1:2 - Bible azumeina

² Ma didina mi dagi ala: An le kagi heî, wani agi hulong dum ala: Ang le kami ni ki me ge? Ma didina mi hulong dagi ala: Esau ni Jakob wiyema d’uo zu? Hina pî, an le yam Jakob,

Malatchi 1:2 Kruisverwysings

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Ad’u Tinda 25:25

Ma ndeï avo’â tamî hleud’a d’igi baru d’a tumusa na. Ni kayam ndata ba, a yum ala Esau.

Ad’u Tinda 25:26

Bugol wani wiyema nde woyo, abom mi ved’a dodogasem Esau. Ni kayam ndata ba, a yum ala Jakob. Ata yima a vud’uzina Isak bizamî dok karagaya.

Ad’u Tinda 27:33

Isak mi nde zlaka djidjik, mi dala: Sama mban hliu azarâ adjï ni nge ge? An tum mbei avok mba manga pet da’, an b’e wa vunan kamu, mi arî sama b’e vuna kama mi.

Ad’u Tinda 48:4

mi dan ala: An mba ni zulung andjavang ndjondjoî, an mba ni mbud’ung andjavang ades suma ablauna, an mba ni hang andaga d’a wanda mandjavang ma blogongâ gak didin.

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

2 Amuleina 3:8

Josafat mi dum kua ala: Ei mba hlei ni lovot ta lara ge? Ata yi máma Joram mi hulong dum ala: Ei mba hlei ni lovot ta hur ful ma Edom-mid’a.

Isai 43:4

Agi ni vama guzum ngolina iranu, agi ni vama hud’a, an le kagagi mi. Kayam ndata, an nga ni he suma blangâgiya, an nga ni wurak kagi kandjaf suma mi.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 2:5

Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

Jeremi 31:3

Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Jean 15:12

Wana ni vun man ma hed’a: Ar agi lagi yam tagi d’igi an le kagi na mi.

Gat ta a hat á mbàd’id’a 10:15

Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na.

Gat ta a hat á mbàd’id’a 23:5

Wani Ma didina Alo magina mi min hum Baläm mbi, mi mbut vun ma ged’a b’e vuna kagiya, kayam mam hurum vagiya.

Gat ta a hat á mbàd’id’a 33:3

Gagazi, Ma didina mi le yam sum mama. Suma mi tinizi irazi vazina pet a nga ni hur abomu, azi nga kaka kä asem á ve zla mamba.

Gat ta a hat á mbàd’id’a 4:37

Mi le yam abuyogi ngolo, mi managi agi andjavazi ma bugolâ. Kayam ndata, mi buzugugï wa woi avo Ezipte ki sib’ik mamba.