Malatchi 1:11 - Bible azumeina

¹¹ Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Malatchi 1:11 Kruisverwysings

1 Sunda Hamuleinid’a 16:25

Kayam Ma didina ni ma ngol ma ndak á suburina; ni ma a ringîm mandaram kal alona petna mi.

Sawal la giled’a 111:9

Ma didina mi sunï á sut sum mama, mi djin vunam ki sed’eziya. Simiyêm ala ma bei tchod’a ma suma a lum mandarama.

Sawal la giled’a 113:3

Ar suma pet a gile simiyê Ma didina, tinï ad’ud’a abo ma yorogona dei gak abo ma fladegena.

Sawal la giled’a 138:5

A mba gilengî yam gat manga, kayam subur manga ti kal ngola.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Sawal la giled’a 45:17

Amulâ, grongâ a mba vrak balum abuyong ngolo, ang mba tinizi amulei suma nglona yam andagad’a pet.

Sawal la giled’a 48:10

Alo mamina, ami nga djib’eremi yam o manga kur gong mang nga kud’ora.

Sawal la giled’a 48:11

Alo mamina, subur manga ti b’rau woi avun dabid’a handagad’id’a d’igi simiyêng mi nde ata yina na; ang nga tamula ki d’ingêra.

Sawal la giled’a 50:1

Ni sawal la Asaf mi hlata. Ma didina Alo ma yam alona petna, mi de zlad’a, nga mi yï suma yam andagad’ina ei abo ma yorogona dei gak abo ma fladegena.

Sawal la giled’a 65:9

Suma nga kaka avun dabid’a handagad’ina, a nga le mandarâ abo ahle mang suma yoyou suma ang nga lazina; ni ang ba, nga oî suma abo ma yorogona ki suma abo ma fladegena ki furîd’a mi.

Sawal la giled’a 67:2

Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Sawal la giled’a 96:8

Agi suburugi simiyê Ma didina, agi mbeyegi ki he magi d’a hawad’a kur gulumuna hi gong mambina.

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 12:5

Agi suburugi Ma didina ki sawala, kayam mi lahle suma kal papana. Ar suma a wazi woi yam andagad’a pet mi.

Isai 19:21

Ata yi máma Ma didina mba mi we Ezipte-na, Ezipte-na a mba we Ma didina, a mba kud’urom kahle suma ngat buzuna ki he d’a hawad’a, a mba hle vunazi mi Ma didina, a mba ndak vun vun mazi ma hled’a mi.

Isai 30:27

Gola! Ma didina mi tcholï ata yima deina, nga mi djïya, nga mi vat tei kayîna tutunuk, vunam mi nga tchurota woi kayîna, zla d’a nga d’i ndavunamba ni d’igi aku d’a ti ngal yinid’a na.

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 59:19

Fata Ma didina mi mba d’igi alum ma ngolâ mi djang abo simet ma ngolâ na d’a, a mba lum mandaramu, a mba suburum tinï ad’ud’a abo ma yorogona dei gak ndeza woi abo ma fladegena.

Isai 66:18

An we sun mazid’a ki djib’er mazid’a. Yina mi mba wa á tok andjaf suma pet ki vun ma de ma lara pet, a mba mba á we subur manda.

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Daniel 2:45

Ang we ahina d’a wal tat tei kahina d’a fiyak ka ked’iwureng nga bei sa mi tin abom atat ba d’a ti to kawei ma wurana, kawei ma hleuna, lubu ma ab’lorina, kawei ma hapma ki lora woi kikizeka. Alo ma ngol ma kal teglesâ mi tagangî ahle suma a mba le blogongâ. Adï d’a danga ni vama ndum mbei ma gagazina, ad’ut ta an vangzid’a ni zla d’a ang tin hurung kata mi.

Amos 9:12

Kayam azi hle suma Edom suma arâ kandjaf suma dingâ pet suma a nga yan simiyêna. An Ma didin ma nga ni ndak vun ahle ndazinina ni de na.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Sofoni 3:9

Ata yi máma an mba ni mbut andjaf suma woi yed’et tala azi tchenen an Ma didina a kud’uron ki hur ma tuna mi d’a.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

Wana ni Zla d’a Djivi d’a Luc mi b’irita 1:10

Ablau suma a nga tchen Alona abu ata yima mam nga mi ngal dubang ma his djivid’ina.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

2 Tasaloni’â 1:12

Yam sumad’a hAlo meinid’a ki d’a hi Saleina Jesus Christ-sa, agi mba suburugi simiyê Saleina Jesus, mam mba mi suburugi mi.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 5:8

Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.