Wana ni Zla d’a Djivi d’a Luc mi b’irita 9:51 - Bible azumeina

⁵¹ Ata yima burâ mba go á hle Jesus sä akulona, mi ve tam á i Jerusalem.

Wana ni Zla d’a Djivi d’a Luc mi b’irita 9:51 Kruisverwysings

2 Amuleina 2:11

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Wana ni Zla d’a Djivi d’a Luc mi b’irita 13:22

Jesus nga mi kal kur azì ma nglona ki ma gureina, nga mi hat suma, mi hle lovota á i Jerusalem.

Wana ni Zla d’a Djivi d’a Luc mi b’irita 17:11

Kid’a Jesus mi nga kur lovota á i Jerusalem-mba, mi kal yam andaga d’a Samari-d’a ki d’a Galile-d’a.

Wana ni Zla d’a Djivi d’a Luc mi b’irita 18:31

Jesus mi yo suma dogo yam mbàna gevemu, mi dazi ala: Gola! Ei nga djak i Jerusalem, ahlena pet suma suma djok vun Alona a b’irizi yam an Gor Sanina a mba landjiya.

Wana ni Zla d’a Djivi d’a Luc mi b’irita 19:11

Jesus mi de zla d’a d’ogola kua mi suma a mba á hum zla ndatina. Azi djib’er ala Alona nga mi mba ni ka tchetchem á te leu mamba, kayam mam mi go ki Jerusalem.

Wana ni Zla d’a Djivi d’a Luc mi b’irita 19:28

Ata yima Jesus mi de hina dana, mi i avorozi á djak i Jerusalem.

Wana ni Zla d’a Djivi d’a Luc mi b’irita 24:51

Kid’a nga mi b’e vunam kazi tua d’a, mi wal ki sed’eziya, Alona mi hlum sä akulo.

Wana ni Zla d’a Djivi d’a Luc mi b’irita 9:57

Kid’a Jesus ki mam suma hata a nga tit kur lovotid’a, sama dingâ mi dum ala: An mba ni tit ad’ung ata yima ang i kuana pet.

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Jean 16:5

Ki tchetchemba, an nga ni i gen mam ma sununïna, wani sama adigagi ma djobon ala: Ang i ni lara ge na nga d’i.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 6:62

Wani fata agi le wagi an Gor Sana djak wa akulo ata yima an nga kua avo’â ni, agi mba lagi ni nana ge?

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

Efes-sâ 1:20

mba mi ndat tei yam Christ kid’a mi tcholom akulo aduk suma matna karid’a mi tinim á kak ata bigam mba ndjufa ata yima sä akulonid’a.

Filip-ma 3:14

An nga ni ring á ve wurak ka sä akulo d’a Alona mi yï kat yam Jesus Christ-sa.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.