Wana ni Zla d’a Djivi d’a Luc mi b’irita 9:26 - Bible azumeina

²⁶ Kayam nge nge pî ma nga mi le zulona kan ki zla mandina, an Gor Sana mba ni le zulona kam fata an mba ni mbeï kur subur manda ki subura hAbunda ki malaika suma mi tinizi irazi vazina.

Wana ni Zla d’a Djivi d’a Luc mi b’irita 9:26 Kruisverwysings

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Jean 12:43

Ni kayam azi min ni subura hi sumid’a kal subura hAlonid’a.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

Jude 1:14

Enok nandjaf ma kid’iziyana hi Adam-ma, mi djok vuna woi avok kazi ala: Agi humugiya! Salad’a nga mi mba ki malaika mam suma a tinizi irazi vazina dudubu dogo

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.