Wana ni Zla d’a Djivi d’a Luc mi b’irita 8:42 - Bible azumeina

⁴² kayam goromba nabom tu, bizat ni go ki dogo yam mbà, ti nga d’i lá matna. Wani kid’a Jesus nga mi id’a, ablau suma a hebemu.

Wana ni Zla d’a Djivi d’a Luc mi b’irita 8:42 Kruisverwysings

Wana ni mbaktumba hi Job-pa 4:20

Yorogo dei gak tcha fladege a nga b’lagazi woyo, a nga bo woi ki irazi fafat, sa nga mi djib’er kazi d’uo d’a.

Ma tchi wala 6:12

Ni nge ba, mi we vama djivi ma yam sana kid’a mi nga kaka yam andagad’a ka hî kur burum ma mi kal lei d’igi anguzuna na ni nana ge? Ni nge ba, mi ndak á de mi sana yam vama mi le blogom ka hî yam andagad’a ka hina ge?

Ezekiyel 24:16

Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi.

Ezekiyel 24:25

Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Marik 5:24

Jesus mi i ki sed’emu. Ablau suma ngola a nga tit ad’umu, a hebem mi.

Wana ni Zla d’a Djivi d’a Luc mi b’irita 7:12

Kid’a a mbaza go avun azinid’a, suma a nde woi ki matna á im tosa; ni gor ma abo asum vam tuna. Asum ni modonod’a. Suma kur azì mámina ablaud’a a nga i ki sed’ed’u.

Wana ni Zla d’a Djivi d’a Luc mi b’irita 8:41

Sama dingâ simiyêm ala Jairus, ni ma ngolâ hi gong nga toka hi Juif-fîna, mi mba mi ge tam kä avok Jesus, mi tchenem ala mi i avo hatamu,

Wana ni Zla d’a Djivi d’a Luc mi b’irita 8:43

Ata yi máma, atcha d’a nga ki tugud’ei d’a djang buzunid’a ti nga, ti le bizad’a ki sed’et ni dogo yam mbà. Adjeu ti b’lak ahligiyet pet tei mi dokdorâ, wani sama ndak á sud’ut nga d’i.

Wana ni Zla d’a Djivi d’a Luc mi b’irita 8:45

Jesus mi dala: Sama don ni nge? Ata yima azi pet a tin vunazina, Pierre azi ki suma a nga ki sed’ema a dum ala: Salamina, ablau suma nguyungâ a hebengî aziya.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.