Wana ni Zla d’a Djivi d’a Luc mi b’irita 8:3 - Bible azumeina

³ Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Wana ni Zla d’a Djivi d’a Luc mi b’irita 8:3 Kruisverwysings

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

Isai 23:18

Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Matiye 14:1

Ata yi máma, Herot ma te yamba yam andaga d’a Galile-d’ina, mi hum zla Jesus.

Matiye 14:3

Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 14:6

Kid’a Herot mi le tena yam bur mam ma vutid’a, Herodiyas gorota ti nde lü ndjongâ woi avok suma mi yazï yam tenina. Herot tam lum djivid’a heî yam ndjong matna.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Matiye 20:8

Kid’a afata nik dad’a, sala asine ma guguzlud’a mi de mi sama avunama ala: Ang i yï suma sunda, ang wuragazi yam sun mazid’a. Ang tin ad’ud’a yam suma danana gak mba yam suma a yozi avo’â.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 26:11

Agi nga ki suma houd’a teteu, wani an nga ki sed’egi teteu d’i.

Matiye 27:55

Aropma ablaud’a a nga tchola sä woi hina dei á gola. Narop suma a tcholï yam ambas sa Galile-d’a suma a i ad’u Jesus á lum sundina.

Wana ni Zla d’a Djivi d’a Luc mi b’irita 24:10

Arop suma a de zla ndata mi suma sundina, ni Marie d’a Makdala-d’a azi ki Jan ki Marie Jacques asum karop suma ding suma a nga ki sed’ezina mi.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Sunda hi suma a sunuzinid’a 13:1

Aduk suma tok suma Antiyos-sâ, suma djok vun Alona ki suma hat suma a nga, nala, Barnabas, Simeon ma a yum ala Ma wurana na, Lusiyus ma Siren-na, Manayen ma wul asem tazi kamulâ Herot-na ki Saul mi.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Filip-ma 4:22

Suma hAlonina pet a gagi depa, kal pet ni suma avo hi Sesar-râ.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.