Wana ni Zla d’a Djivi d’a Luc mi b’irita 8:15 - Bible azumeina

¹⁵ Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Wana ni Zla d’a Djivi d’a Luc mi b’irita 8:15 Kruisverwysings

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Zla d’a d’ogolâ 3:1

Gorona, ang mar yam hat manda d’i, ang ngom vun man ma hed’a kurungû.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 32:29

Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Matiye 24:13

Wani sama mi ve tam ad’enga gak ad’u dabid’ina, mba mi fe suta.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Wana ni Zla d’a Djivi d’a Luc mi b’irita 6:45

Sama djivina nga mi nde ni kahle suma djivi suma mi togozi kuruma woi abua, sama tchona nga mi nde ni kahle suma tcho suma mi togozi kuruma woyo, kayam vama nga oîd’a kur sanina ba, nga mi dumu.

Wana ni Zla d’a Djivi d’a Luc mi b’irita 8:14

Andjaf ma mi nde aduk aweid’ina ni suma a hum zlad’a wani ata yima azi ina, djib’era hi duniyad’id’a ki beged’a ki d’od’oka hi duniyad’id’a a hebezi ped’et, a le nga irâ tetet ti.

Wana ni Zla d’a Djivi d’a Luc mi b’irita 8:16

Jesus nga mi had’azi kua ala: Ata yima sana mi tin lalamba akud’ina, nga mi tinit kä ad’u angotna d’oze ad’u azangâ d’i, wani mi tinit nakulo yam agu lalamba, kayam suma kal avona a we b’od’a.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

Romê-na 7:18

An wala vama djivi mi nga kurun ndi, nala, kur sa man ma adjeuna. Wani le an min á le djivi d’a nga kurunda pî, an ndak á lat ti.

Romê-na 7:4

Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

Hebre-na 2:1

Kayam ndata, mbeî ei djib’erei ngola yam ahle suma ei humizina, ar ei walei woi dei ki sed’ezi d’i.

Jacques 1:4

Ar ve ta magid’a ti le sun nda djivid’a pet, kayam agi ndagagi memet yam ahlena pet, ar va kid’agagi d’uo mi.

1 Jean 2:3

Le ei nga gei yei kä ad’u vun ma hed’a hAlonina ni, ei wei ala ei wei Alona.