Wana ni Zla d’a Djivi d’a Luc mi b’irita 7:47 - Bible azumeina

⁴⁷ Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Wana ni Zla d’a Djivi d’a Luc mi b’irita 7:47 Kruisverwysings

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

Wana ni Zla d’a Djivi d’a Luc mi b’irita 7:46

Ang sad’an nga mbul kan ndi, wani ndat ti sad’an mbul ma his ma afufuîna asenu.

Wana ni Zla d’a Djivi d’a Luc mi b’irita 7:48

Jesus mi de matcha ndata ala: An vat wa hurun ndei yam tcho maka.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

1 Jean 4:19

Ei nga lei od’a, ni kayamba Alona mi le kei adjeud’a.

1 Jean 5:3

O d’a lat yam Alonid’a ba wana: Ei gei yei kä ad’u vun ma he mama. Vun ma he mama nga ni vama anek ki,