Wana ni Zla d’a Djivi d’a Luc mi b’irita 7:40 - Bible azumeina

⁴⁰ Jesus mi dum ala: Simon, an nga ki zlad’a á dangû. Simon mi hulong dum ala: Ma hat suma, ang danu.

Wana ni Zla d’a Djivi d’a Luc mi b’irita 7:40 Kruisverwysings

1 Amuleina 2:14

Mi dat ala: An mba ni hawa ko! An mba ni dak va tu. Ti dum ala: Ang de!

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Matiye 26:49

Ata yi máma na wat, Judas mi hut go gen Jesus, mi dum ala: Lafiya, Ma hat suma, an gang depa. Mi sobom vunamu.

Matiye 7:22

Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Wana ni Zla d’a Djivi d’a Luc mi b’irita 18:18

Ma ngolâ hi Juif-fîna mi djop Jesus ala: Ma hat ma djivina, an le ni nana ba, ni fe ari d’a didinda ge?

Wana ni Zla d’a Djivi d’a Luc mi b’irita 5:22

Wani Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi kurugi krovo hina ge?

Wana ni Zla d’a Djivi d’a Luc mi b’irita 5:31

Jesus mi hulong dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol.

Wana ni Zla d’a Djivi d’a Luc mi b’irita 6:8

Wani mam we djib’er mazid’a tcha. Mi de mi ma abom tche mogod’ina ala: Ang tchol akulo, ang tchol adigaziya. Mam tchol akulo avok suma pet.

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

Wana ni Zla d’a Djivi d’a Luc mi b’irita 7:41

Jesus mi dum ala: Sana tu bal mama nga yam suma mbà, ma tuna siled’a nga kam kikis vahl, ma dingâ, siled’a nga kam dok vahl mi.

Jean 13:13

Agi nga yan ala Ma hat suma, Salamina. Agi yan nata yad’u, kayam an ni mamu.

Jean 16:19

Jesus mi we tcha ala a nga min djobomu. Mi dazi ala: Agi nga djobogi tagi ni yam zla d’a an dala: Ar ndjö, agi mba wan ndi, bugol ndjö, agi mba wan kua d’a zu?

Jean 16:30

Ki tchetchemba, ami wami ala ang wahlena pet da’, sama dok mi djobong yam va nga d’uo d’a. Kayam ndata, ami hami gagazid’a ala ang tcholï ni gen Alona.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.