Wana ni Zla d’a Djivi d’a Luc mi b’irita 7:25 - Bible azumeina

²⁵ Wani agi i gologi ni me ge? Sama tchuk baru d’a djif fa luluîd’ina zu? Wani suma tchuk baru d’a djif fa luluîd’ina ni suma a nga kaka kä ki furîd’a ki tena avo hamuleina.

Wana ni Zla d’a Djivi d’a Luc mi b’irita 7:25 Kruisverwysings

2 Samuel 19:35

Ki tchetchemba, bizan ni dok klavandi, an ndak á wal ir vama djivina ki vama tchona zu? An azong mangâ ni ndak á man vama te ki vama tche d’ei zu? An ndak á hum del azungeîna ki yugunei suma a nga hle sawalina d’ei zu? Ni kayam me ba, an azong mangâ ni ndak á tining ang salana amul mana aneka kang ngei ge?

1 Amuleina 10:5

ki te ma azi nga yomï yam tabulîna ki kaka hi mam suma sundinid’a ki baruna hi suma a nga hum ahle suma tena kahle suma tched’ina kahle suma ngat buzu suma azi nga hazi mi Ma didina kur gong mam mba kud’orina mi.

2 Amuleina 1:8

Azi hulong dum ala: Sa máma ni ki baru d’a ngol la tumusa atamu, d’ik ma ba’â djinda furum mi. Amulâ mi dazi ala: Ni Elie ma Tisbe-na.

Ester 1:11

Mi dazi ala a mbei kamula Vasti avorom kavaval la amula kat á tak djif matna woi avok suma ki suma nglo suma a kal yam ndrozina nde na, kayam ti djif heî.

Ester 1:3

Kur biza mam mba hindi d’a nga mi tamulid’a, mi le te ma luna, mi yi mam suma nglona kazungeî mama ki azigar suma nglo suma Perse-na ki suma Mede-na ki suma simiyêzi nga mi yina ki suma a te yam ambasina mi.

Ester 4:2

Mi mbaza avun agre’â hamulîna, mi tchola, kayam ni yima sa nga mi kal kua ki dodora atam mbuo na.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Matiye 6:29

Wani an nga ni dagiya, Salomon kur subur mamba pet pî, mi tchuk nga baru ma djif ma d’igi b’o mata na na d’i.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Wana ni Zla d’a Djivi d’a Luc mi b’irita 7:24

Kid’a suma sunda hi Jean-na a id’a, Jesus mi nde de zlad’a yam Jean mablau suma. Mi dala: Agi igi abagei á gologi ni me ge? Akei d’a simetna nga gazata zu?

Wana ni Zla d’a Djivi d’a Luc mi b’irita 7:26

Agi i gologi ni me ge? Ma djok vun Alona zu? Â, an nga ni dagiya, mi kal ma djok vun Alona woi dei.