Wana ni Zla d’a Djivi d’a Luc mi b’irita 7:19 - Bible azumeina

¹⁹ Jean mi yi mam suma hata mbà, mi sunuzi gen Salad’a á djobom ala: Angî ma nga mbana, d’oze ami djubumi ni sama ding zu?

Wana ni Zla d’a Djivi d’a Luc mi b’irita 7:19 Kruisverwysings

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Marik 6:7

Mi yi mam suma hat suma dogo yam mbàna gevemu, mi nde sunuzi mbàmbà, mi hazi ad’enga á dik muzuk ma teteng ma tchona woi kur suma mi.

Wana ni Zla d’a Djivi d’a Luc mi b’irita 10:1

Bugol zla ndata, Salad’a mi man suma hat suma dingâ dok kid’iziya yam mbà. Mi sunuzi mbàmbà avorom á i kur azina ki yima lara ge pet ma mam tam min i kuana.

Wana ni Zla d’a Djivi d’a Luc mi b’irita 11:1

Bur tu, Jesus nga mi tchen Alona ata yima dingâ. Kid’a mi dap tchendid’a, mam ma hata tu mi dum ala: Salamina, ang had’ami tchenda d’igi Jean ma le suma batemba mi hat mam suma hata na.

Wana ni Zla d’a Djivi d’a Luc mi b’irita 11:39

Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Wana ni Zla d’a Djivi d’a Luc mi b’irita 13:15

Wani Salad’a mi hulong dum ala: Agi suma lop ira, na ni nge nge pî adigagi nga mi but amuhl mama d’oze koro mama ata yama te hatna, i mi hum mbina kur bur ma sabatna d’uo zu?

Wana ni Zla d’a Djivi d’a Luc mi b’irita 17:5

Suma a sunuzina a de mi Salad’a ala: Ang hami he gagazid’a yam ndrata kua.

Wana ni Zla d’a Djivi d’a Luc mi b’irita 17:6

Salad’a mi dazi ala: Le he gagazi magid’a ni d’igi ir mutarâ na ni, agi ndak á dagi mi diyaga d’a wanda ala: Ndak pat tak ki sideyegu, i pe tak kä kur alum ma ngolâ, ti mba d’i pat mi.

Wana ni Zla d’a Djivi d’a Luc mi b’irita 18:6

Salad’a mi dazi kua ala: Agi humugi zlad’a hi ma ka sariya ma bei d’ingêr mámid’a.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Wana ni Zla d’a Djivi d’a Luc mi b’irita 22:61

Salad’a mi pret tam mi gol Pierre. Pierre mi djib’er yam zla d’a Salad’a mi dumzi ala: Avok ahle’â bei hel ini tua d’a, ang mba tin vunang kan yang hindi ala ang wan nga d’uo d’a.

Wana ni Zla d’a Djivi d’a Luc mi b’irita 24:34

Suma toka a dazi ala: Gagazi, Salad’a mi tchol akulo, mi nde tam mbei ir Simon.

Wana ni Zla d’a Djivi d’a Luc mi b’irita 7:13

Ata yima Salad’a mi watna, mi wat hohowod’u, mi dat ala: Ndak tchi d’i.

Wana ni Zla d’a Djivi d’a Luc mi b’irita 7:20

Azi mbaza gen Jesus, a dum ala: Jean ma le suma batemba sunumï geveng ni mam ala ami djobongû, Angî Ma nga mbana, d’oze ami djubumi ni sama ding zu?

Jean 11:2

Ni Marie d’a vo mbul ma his ma afufuîna yam asem Salad’a ti sed’emzi woi ki tumus sa katid’a, ni d’a wiyetna Lazar mi nga tugud’eid’id’a.

Jean 4:1

Suma Fariziyêna a hum ala Jesus nga mi fe suma hata ngola kal suma hi Jean-na, nga mi lazi batemba mi.

Jean 4:25

Atcha ndata ti dum ala: An wala Mesi nga mi mba, ni ma a yum ala Christ-sâ. Fata mi mba wa ni, mba mi dami ad’u ahlena pet.

Jean 6:23

Wani alumei suma dingâ a tcholï Tiberiyat, a mba ata yima azi tavungô ma Salad’a mi le mersi mAlona kama.

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.