Wana ni Zla d’a Djivi d’a Luc mi b’irita 7:13 - Bible azumeina

¹³ Ata yima Salad’a mi watna, mi wat hohowod’u, mi dat ala: Ndak tchi d’i.

Wana ni Zla d’a Djivi d’a Luc mi b’irita 7:13 Kruisverwysings

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Marik 8:2

Hurun nga mi hat yam sum ndazina heî, kayam azi nga ki sed’en ini ni burâ hindi, a nga ki vama te d’i.

Wana ni Zla d’a Djivi d’a Luc mi b’irita 10:1

Bugol zla ndata, Salad’a mi man suma hat suma dingâ dok kid’iziya yam mbà. Mi sunuzi mbàmbà avorom á i kur azina ki yima lara ge pet ma mam tam min i kuana.

Wana ni Zla d’a Djivi d’a Luc mi b’irita 11:1

Bur tu, Jesus nga mi tchen Alona ata yima dingâ. Kid’a mi dap tchendid’a, mam ma hata tu mi dum ala: Salamina, ang had’ami tchenda d’igi Jean ma le suma batemba mi hat mam suma hata na.

Wana ni Zla d’a Djivi d’a Luc mi b’irita 11:39

Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Wana ni Zla d’a Djivi d’a Luc mi b’irita 13:15

Wani Salad’a mi hulong dum ala: Agi suma lop ira, na ni nge nge pî adigagi nga mi but amuhl mama d’oze koro mama ata yama te hatna, i mi hum mbina kur bur ma sabatna d’uo zu?

Wana ni Zla d’a Djivi d’a Luc mi b’irita 17:5

Suma a sunuzina a de mi Salad’a ala: Ang hami he gagazid’a yam ndrata kua.

Wana ni Zla d’a Djivi d’a Luc mi b’irita 17:6

Salad’a mi dazi ala: Le he gagazi magid’a ni d’igi ir mutarâ na ni, agi ndak á dagi mi diyaga d’a wanda ala: Ndak pat tak ki sideyegu, i pe tak kä kur alum ma ngolâ, ti mba d’i pat mi.

Wana ni Zla d’a Djivi d’a Luc mi b’irita 18:6

Salad’a mi dazi kua ala: Agi humugi zlad’a hi ma ka sariya ma bei d’ingêr mámid’a.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Wana ni Zla d’a Djivi d’a Luc mi b’irita 22:61

Salad’a mi pret tam mi gol Pierre. Pierre mi djib’er yam zla d’a Salad’a mi dumzi ala: Avok ahle’â bei hel ini tua d’a, ang mba tin vunang kan yang hindi ala ang wan nga d’uo d’a.

Wana ni Zla d’a Djivi d’a Luc mi b’irita 24:3

Azi kal kua, a fe nga mad’a Salad’a Jesus d’i.

Wana ni Zla d’a Djivi d’a Luc mi b’irita 24:34

Suma toka a dazi ala: Gagazi, Salad’a mi tchol akulo, mi nde tam mbei ir Simon.

Wana ni Zla d’a Djivi d’a Luc mi b’irita 7:12

Kid’a a mbaza go avun azinid’a, suma a nde woi ki matna á im tosa; ni gor ma abo asum vam tuna. Asum ni modonod’a. Suma kur azì mámina ablaud’a a nga i ki sed’ed’u.

Wana ni Zla d’a Djivi d’a Luc mi b’irita 7:14

Mi hut go, mi do zlat ma sama matna mi nga kuana. Suma a hle matnina a tchola. Mi dala: Azongâ, an nga ni dangû, ang tchol akulo.

Wana ni Zla d’a Djivi d’a Luc mi b’irita 7:19

Jean mi yi mam suma hata mbà, mi sunuzi gen Salad’a á djobom ala: Angî ma nga mbana, d’oze ami djubumi ni sama ding zu?

Wana ni Zla d’a Djivi d’a Luc mi b’irita 8:52

Suma pet a nga tchiya, a nga tchabozi kuruzi yam gor ndata. Wani Jesus mi dazi ala: Agi tchigi d’i, kayam ti mit nga d’i, wani ti burî sena.

Jean 11:2

Ni Marie d’a vo mbul ma his ma afufuîna yam asem Salad’a ti sed’emzi woi ki tumus sa katid’a, ni d’a wiyetna Lazar mi nga tugud’eid’id’a.

Jean 11:3

Kayam ndata, b’oziyoma a sun yam Jesus, a dum ala: Salamina, gola! Ma ang le kam heîna, mi nga tugud’eid’a.

Jean 20:13

Azi dat ala: Atchad’a, ndak tchi nana ge? Ti dazi ala: An tchi ni kayamba azi pat Salanid’a, an we nga yima azi gum kuana d’i.

Jean 20:15

Jesus mi dat ala: Atchad’a, ndak tchi nana ge? Ndak halî nge ge? Ti djib’er ala ni sama ngom asinena. Ti dum ala: Banana, ang le hlumî angû ni, ang tagan yima ang gum kuana, an i hlumu.

Jean 4:1

Suma Fariziyêna a hum ala Jesus nga mi fe suma hata ngola kal suma hi Jean-na, nga mi lazi batemba mi.

Jean 6:23

Wani alumei suma dingâ a tcholï Tiberiyat, a mba ata yima azi tavungô ma Salad’a mi le mersi mAlona kama.

1 Korente-na 7:30

Ar suma a nga tchina a ka’î d’igi suma a nga tchi d’uo na na. Ar suma a nga aîna a ka’î d’igi suma a nga aî d’uo na na. Ar suma a nga gus ahlenina a ka’î d’igi suma a nga gus va d’uo na na.

1 Tasaloni’â 4:13

B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.