Wana ni Zla d’a Djivi d’a Luc mi b’irita 6:47 - Bible azumeina

⁴⁷ Sama lara ma mba geven ma hum zla manda nga mi le sunda katna, an mba ni tagagi vama hle tam ki sed’ema.

Wana ni Zla d’a Djivi d’a Luc mi b’irita 6:47 Kruisverwysings

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Matiye 12:50

Kayam sama lara pî ma nga mi le minda hAbun ma sä akulonina, mi ni wiyena ki wiyenda, nasun mi.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

Wana ni Zla d’a Djivi d’a Luc mi b’irita 6:48

Mi hle tamî d’igi sama mi min gonga mi djugot zula kä ngola mi gat ad’ut yam ahinad’ina na. Ata yima mbina mi kusa nga mi djangâ, mi wat gonga. Wani nga d’i giget ti, kayam ti min djivid’a.

Wana ni Zla d’a Djivi d’a Luc mi b’irita 8:13

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Wana ni Zla d’a Djivi d’a Luc mi b’irita 8:8

Ma dingâ mi nde kur andaga d’a djivid’a. Kid’a mi deîd’a, mi wula, mi tchuk yamu, mi le irâ kis. Kid’a nga mi de zla ndatid’a, mi dazi kua ala: Sama nga ki humba á humbina, ar mi huma.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 5:40

Wani agi min mbagi geven ndala agi fagi arid’a d’a d’i.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.

1 Pierre 2:4

Ar agi hud’ugi gen Salad’a, ahina d’a ari d’a suma min gonga a gat teid’a, wani ni d’a guzut kal tegles sa Alona mi manata.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.