Wana ni Zla d’a Djivi d’a Luc mi b’irita 6:45 - Bible azumeina

⁴⁵ Sama djivina nga mi nde ni kahle suma djivi suma mi togozi kuruma woi abua, sama tchona nga mi nde ni kahle suma tcho suma mi togozi kuruma woyo, kayam vama nga oîd’a kur sanina ba, nga mi dumu.

Wana ni Zla d’a Djivi d’a Luc mi b’irita 6:45 Kruisverwysings

Sawal la giled’a 140:5

Ma didina, ang ngomon abo suma asa’atna, ang ngomon abo suma murud’um suma a nga hal lovota á pugun kä na.

Sawal la giled’a 59:12

Ang tchazi tala sum mana a mar yam kus sa ang kus kazid’a d’a d’i, ang ndjoyôzi woi kad’eng manga, ang hulongôzi yazi kä. Salad’a, angî mbarei mamid’a.

Sawal la giled’a 59:7

Azi hulongî fladege, a nga siwel d’igi adureina na, a nga ngui huyok azì ma ngolâ.

Zla d’a d’ogolâ 12:18

Sama mi tchit wü na, mi tchok sana mbilâ ni d’igi mbigeu d’a fiyaka na, wani zlad’a hi suma ned’id’a ti tchil sana ni tchila.

Zla d’a d’ogolâ 15:23

Sana nga mi le furîd’a yam zla d’a de d’a djivi d’a mam hulongôt de d’a ki vunamba. Ni vama djivi ma kalâ ata yima sana mi de zlad’a ata yatna.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Jean 7:38

Sama he gagazid’a kana, mbiyo ma arina halumina mba mi lau kurum d’igi mbaktumba hAlonid’a ti de na.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.