Wana ni Zla d’a Djivi d’a Luc mi b’irita 6:35 - Bible azumeina

³⁵ Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Wana ni Zla d’a Djivi d’a Luc mi b’irita 6:35 Kruisverwysings

Sawal la giled’a 112:5

Sama nga mi we hohowa suma, nga mi hazi balâ, nga mi le sun mamba ata lovod’ot na, nga mi le ni sun nda djivid’a.

Sawal la giled’a 145:9

Ma didina, angî ma le djivid’a mi suma petna, angî ma we hohou ahlena pet suma ang lazina.

Sawal la giled’a 37:26

Mam nga mi we hohowa suma teteu, nga mi he balâ mi suma mi; Alona mi b’e vunam yam andjavam mi.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Matiye 5:9

Suma a nga zlap suma darigïd’ina a le furîd’a, kayam Alona mba mi yazi ala Groma.

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Wana ni Zla d’a Djivi d’a Luc mi b’irita 1:32

Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Jean 13:35

Le agi nga lagi od’a yam tagiya ni, suma pet a mba wala agi ni man suma hata.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 14:17

Wani burâ ki burâ mam tamba nga mi tagï djivi mam mba mi lata woi akulo. Nga mi se kagiya, agi nga dud’ugi awuna vun simetna, nga mi hagi tena, nga mi hobogi hayagi ki tena, agi nga lagi furîd’a mi.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

2 Timote 3:2

Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.