Wana ni Zla d’a Djivi d’a Luc mi b’irita 6:23 - Bible azumeina

²³ Agi lagi furîd’a kur bur máma, agi lagagi akulo ki aîd’a kayam wurak magid’a ngola sä d’i djubugi akulo, kayam abuyozi ngolo a djop vun suma djok vun Alona adjeunina mi.

Wana ni Zla d’a Djivi d’a Luc mi b’irita 6:23 Kruisverwysings

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

1 Amuleina 19:14

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

2 Amuleina 6:31

Mi er ad’um akulo ala: Le yam Elise Safat goroma bur ini bei ngata ni, Alona mi mban ndak ka ngol la kala kanu!

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Wana ni Zla d’a Djivi d’a Luc mi b’irita 1:41

Ata yima Elizabet ti hum depa hi Marie-d’ina, gorâ mi tchol akulo kurud’u, Elizabet ti oî ki Muzuk ma bei tchod’a ba na mi.

Wana ni Zla d’a Djivi d’a Luc mi b’irita 1:44

Ata yima an hum dep makina, gorâ mi tchol akulo kurun ki furîd’a.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Sunda hi suma a sunuzinid’a 14:10

Mi dum ki delem mba ad’enga ala: Ang tchol akulo kaseng d’ingêr. Sa máma mi lak akulo, mi nde tita.

Sunda hi suma a sunuzinid’a 3:8

Mi fagakulo, mi tchola, mi nde tita. Mi kal ki sed’ezi kur gong nga kud’ora hAlonid’a, nga mi tid’a, nga mi lak akulo, nga mi gile Alona mi.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Romê-na 5:3

Ni kayam ndata hol li, wani ei lei furîd’a kur ndak meid’a mi, kayam ei wei ala ndaka nga d’i mba ki ve tad’a,

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Vama ndum mbeina 2:26

Suma a kus ayîna suma a ngom sun manda gak dabid’ina, an tanda mba ni hazi ad’eng nga Abun handjid’a, an mba ni hazi ad’enga á te yam andjaf suma mi. Azi mba gad’azi ki totogo d’a kawei ma wurana, a mba tozi woi d’igi suma a to dei ma sana minima woi na.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.