Wana ni Zla d’a Djivi d’a Luc mi b’irita 6:12 - Bible azumeina

¹² Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Wana ni Zla d’a Djivi d’a Luc mi b’irita 6:12 Kruisverwysings

Sawal la giled’a 22:2

Alo mana, Alo mana, ni kayam me ba, ang aran ndei ge? Ni kayam me ba, ang wal lei dei ki sed’en á ndjunun nge? Ni kayam me ba, ang hum tchi mana d’uo ge?

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Matiye 5:1

Kid’a Jesus mi wablau sumid’a, mi djak akulo yam ahinad’a, mi kak kä. Mam suma hata a mba gevemu.

Matiye 6:6

Wani ata yima ang min á tchen Alonina, ang kal klavi hatangû, ang duk vun gong manga, ang tchen Abung ma nga ata yima ngeid’ina. Abung ma we ata yima ngeid’ina mba mi wuragangû.

Marik 1:35

Ki pipir ra yina nga bei fod’a tua d’a, Jesus mi tchol ndabua, mi i abagei ata yima sa nga kua d’uo na. Ata yi máma, nga mi tchen Alona.

Marik 3:13

Bugola, Jesus mi djak akulo yam ahinad’a, mi yi suma hurum mi vazina; azi mba gevem mi.

Marik 6:46

Bugol la mi tin ablau suma woi ta d’a, mi djak akulo yam ahinad’a á tchen Alona.

Wana ni Zla d’a Djivi d’a Luc mi b’irita 5:16

Wani mi araziya, mi i abagei á tchen Alona.

Wana ni Zla d’a Djivi d’a Luc mi b’irita 6:11

Huruzi zal ngola, a ndjak vunazi yam vama azi mba lum ki Jesus-na.

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Wana ni Zla d’a Djivi d’a Luc mi b’irita 9:18

Kur bur ma dingâ, kid’a Jesus nga mi tchen Alona vam tud’a, mam suma hata a nga ki sed’em mi. Mi djobozi ala: Ablau suma a nga de kan ala an ni nge ge?

Wana ni Zla d’a Djivi d’a Luc mi b’irita 9:28

Go ki burâ klavandi bugol la Jesus mi de zla ndatid’a, mi yo Pierre azi ki Jean ki Jacques, mi djak ki sed’ezi yam ahina d’a fiyak ka ked’iwurenga á tchen Alona.

Wana ni Zla d’a Djivi d’a Luc mi b’irita 9:29

Kid’a nga mi tchenda, iram mbi mbut vat zenen, baru mama mi mbut ngal wiwilik hapa titil.

Jean 6:3

Jesus mi djak akulo yam ahinad’a, mi kak kä ki mam suma hata.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.