Wana ni Zla d’a Djivi d’a Luc mi b’irita 5:8 - Bible azumeina

⁸ Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Wana ni Zla d’a Djivi d’a Luc mi b’irita 5:8 Kruisverwysings

2 Samuel 6:9

Kur bur máma David mi le mandara Ma didina, mi dala: Ni nana ba, zandu’â hi Ma didinina mba mi kal avo hatan nge?

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

Wana ni mbaktumba hi Job-pa 40:4

Ang nga kad’enga d’igi an Alona na zu? Deleng nga breîd’a ni d’igi manda na mi zu?

Buzuk ka Abud’a 20:19

A de mi Moise ala: Ang tang dami zlad’a; ami mba humumiya. Wani ar Ma didina mi dami zlad’a ba ami bomi woi d’i.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Matiye 17:6

Ata yima suma hata a hum del ndatina, a puk kä abo mandarâ.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Matiye 8:8

Ma ngol ma azigarâ abom kisâ mi hulong dum ala: Salana, an ndak nga d’ala ang kal avo hatanu d’a d’i, wani ang de ni zlad’a tu go; azong mana mba mi tchol akulo.

Wana ni Zla d’a Djivi d’a Luc mi b’irita 5:7

A labozi mi ndrozi suma a nga kur alum mba mbàd’a á mba á ndjunuziya. A mba, a oî alumba djak. Alumei ndazina a lá hlupa kä.

Wana ni Zla d’a Djivi d’a Luc mi b’irita 5:9

Mi le mandarâ ki ndroma kayam kuluf ma azi vigim heîna.

Jean 11:32

Kid’a Marie ti mbaza ata yima Jesus mi nga kuanid’a, ti wumu, ti grif kä avoromu, ti dum ala: Salana, ladjï ang nga ka hî ni, wiyena nga mi mit ti.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Suma ka sariyad’a 13:22

Manowa mi de mamamba ala: Gagazi, ei mba boi ni woyo, kayam ei wei Alona!

1 Samuel 6:20

Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?