Wana ni Zla d’a Djivi d’a Luc mi b’irita 5:36 - Bible azumeina

³⁶ Jesus mi dazi zla d’a d’ogola ala: Sa nga mi haû vun baru d’a awilid’a, mi dubut ata baru d’a adjeud’a d’i. Le mi le na ni, ndat mba d’i haû d’a awilid’a woyo, vun baru d’a awilid’a nga d’i zlap ki d’a adjeud’a d’i.

Wana ni Zla d’a Djivi d’a Luc mi b’irita 5:36 Kruisverwysings

Sunda hi suma hi Levi-nid’a 19:19

Ar agi tid’igi yam gat manda. Ang tchuk andjaf d’uwar ma tetengâ ata yima tuna á zlap ki tazi d’i, ang zar andjaf awu ma tetengâ kur asine ma tuna d’i, ang tchuk baru d’a a tchilit kandjaf baru d’a tetenga atang ngi.

Wana ni Zla d’a Djivi d’a Luc mi b’irita 5:35

Wani burâ nga mi mba, a mba hle sala tela woi adigaziya. Kur bur máma a mba d’el tazi bei te tena.

Wana ni Zla d’a Djivi d’a Luc mi b’irita 5:37

Sa nga mi sel süm ma ayîna kur agolongeî suma adjeuna d’i. Le mi le na ni, süma mba mi munuzi woyo, süma mba mi b’lak kei kagolongeîna mi.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Gat ta a hat á mbàd’id’a 22:11

Ar agi tchugugi baru d’a a tchilit ki tumus tumiyônid’a zlapa ki baru d’a par ra lalavata atagi d’i.