Wana ni Zla d’a Djivi d’a Luc mi b’irita 5:34 - Bible azumeina

³⁴ Jesus mi dazi ala: Agi ndak á d’elegi suma sala tela mi yazi yam tenina kid’a mi nga ki sed’ezi tua d’a zu? Nga na d’i.

Wana ni Zla d’a Djivi d’a Luc mi b’irita 5:34 Kruisverwysings

Sawal la kal teglesa 5:8

Agi yugunei suma Jerusalem-ma, an nga ni djobogiya: Le agi fagi ma an hurun vum heîna ni, agi mba duma na ge? Agi dum ala an mbut wa amangeîd’a kur od’a.

Sawal la kal teglesa 6:1

Yuguneina a djobot ala: Ta djif heîd’a, ma ndak le kam heîna, mi i ni lara ge? Ma ndak huruk vum heîna, mi i nabo ma lara ba, ei i haleizi d’ang nge?

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Matiye 22:2

Leu d’a akulod’a ti hle tat ni d’igi amul ma ding ma mi le te ma tela hi goromina na.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Wana ni Zla d’a Djivi d’a Luc mi b’irita 5:33

Suma a djop Jesus ala: Suma hata hi Jean ma le suma batembina a nga d’el tazi bei te tena, a nga tchen Alona mi. Suma hata hi Fariziyênina a nga le hina mi, wani mang suma hata a nga te, a nga tche.

Wana ni Zla d’a Djivi d’a Luc mi b’irita 5:35

Wani burâ nga mi mba, a mba hle sala tela woi adigaziya. Kur bur máma a mba d’el tazi bei te tena.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.