Wana ni Zla d’a Djivi d’a Luc mi b’irita 5:26 - Bible azumeina

²⁶ Azi pet a le atchap, a subur Alona, a le mandarâ, a dala: Ei wei ini vama yoyouna.

Wana ni Zla d’a Djivi d’a Luc mi b’irita 5:26 Kruisverwysings

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Matiye 12:23

Suma pet a le atchap, a dala: Sa máma ni David goroma d’uo zu?

Matiye 28:8

Azi buzuk kei yam asud’a atogo hina zak ki mandarâ ki furîd’a ngola. A ring á de zla ndata mi suma hata hi Jesus-na.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Marik 2:12

Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.

Wana ni Zla d’a Djivi d’a Luc mi b’irita 1:65

Suma a nga kaka gevezina pet a le mandarâ. Zla ndata i kur azì ma yam ahina d’a Jude-d’ina pet.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Wana ni Zla d’a Djivi d’a Luc mi b’irita 7:16

Azi pet a le mandarâ, a nga subur Alona, a dala: Ma djok vun ma ngolâ hAlonina mi nde wa woi adigeya, Alona mi mba wa á ndjun sum mama.

Wana ni Zla d’a Djivi d’a Luc mi b’irita 8:37

Suma kur ambas sa Gerazen-nda pet a le mandarâ, a tchen Jesus ala mi arazi andaga mazid’a. Ata yi máma, Jesus mi djak kur alumba, mi hulongâ.

Sunda hi suma a sunuzinid’a 4:21

Azi ngobozi kua, a araziya, kayam a fe nga lovota á lazi va d’i, kayam suma pet a nga gile Alona yam vama lena,

Galat-na 1:24

Azi subur Alona ngola yam zla manda.