Wana ni Zla d’a Djivi d’a Luc mi b’irita 4:6 - Bible azumeina

⁶ Mi dum ala: An mba ni hang ad’eng nga wanda pet ki ndjondjoîd’a hi leu ndatid’a pet mi, kayam Alona mi han ahle ndazina pet nabonu. An ndak á hazi mi sama an minima.

Wana ni Zla d’a Djivi d’a Luc mi b’irita 4:6 Kruisverwysings

Ester 5:11

Haman nga mi dazi zlad’a yam ndjondjoî mam mba kal papad’a, yam ablaud’a hi gromid’a, yam ahle suma amulâ mi tinim ki ngolina, yam tin nda mi tinim yam amulei mama kazungeî mama peta mi.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Wana ni Zla d’a Djivi d’a Luc mi b’irita 4:7

Kayam ndata, ang le grif kä avoronu ni, ahle ndazina pet a mba arî mangâ.

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

2 Korente-na 11:14

Nga ni vama atchap pi, kayam Seitan tamba nga mi mbut tam d’igi malaika ma b’od’a na.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:2

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Vama ndum mbeina 13:7

Alona mi aram lovota á dur ayîna ki sum mama mi kus kazi mi. Mi fad’enga yam andjafâ pet, yam suma pet, yam vun ma ded’a pet, yam andjaf suma lara ge pet mi.