Wana ni Zla d’a Djivi d’a Luc mi b’irita 4:35 - Bible azumeina

³⁵ Jesus mi ngobom ala: Ang ba! Ang nde woi kurumu. Ata yima muzuk ma tchona mi gum kä adigazina, mi nde woi kurumu, mi lum nga va d’i.

Wana ni Zla d’a Djivi d’a Luc mi b’irita 4:35 Kruisverwysings

Sawal la giled’a 50:16

Wani Alona mi de mi sama asa’atna ala: Ang ma noî ngop manda woina, ang ma tchuk zla manda woi kazigangâ, le ang ndum gat manda woi avok suma, le ang nga ki vun man ma djinda navunang go ni, djivi mata ni me ge?

Zakari 3:2

Malaika máma mi de mi Seitan ala: Ar Ma didina mi ngobongû, ar Ma didin ma man Jerusalem-ma mi ngobongû. Sama wana mi ni d’igi vun adjo ma hlumî woi aduk akud’ina na d’uo zu?

Matiye 17:18

Jesus mi ngop muzuk ma tchona; mi nde woi kur gorâ. Ata yi máma gorâ mi tchol akulo.

Matiye 8:26

Jesus mi dazi ala: Agi suma he gagazi magi d’a akid’eid’ina, ni kayam me ba, agi lagi mandarâ hina ge? Ata yi máma, mi tchol akulo, mi ngop babarâ ki mbiyo apod’a. Yina mi tchol b’et mi.

Marik 1:26

Muzuk ma tchona mi pred’em daraweî, mi er ad’um akulo, mi nde woi kurumu.

Marik 4:39

Mi zlid’a akulo, mi ngop simetna, mi de mi mbiyo apod’a ala: Ang sengâ, ang ba! Ata yi máma, simetna mi tchol b’et, yina seng silil mi.

Marik 9:26

Wani ata yima mi er ad’um tchina akulona, mi pred’em kua kua, mi nde woyo. Gorâ mbut d’igi sama matna na; ablau suma a nga dala: Mi mit wa.

Wana ni Zla d’a Djivi d’a Luc mi b’irita 11:22

Wani le sama ad’eng ma kalama mi mba á dur ayîna ki sed’em mi kuzumu ni, mba mi yo ahle mam suma dur ayîna pet suma mam tin hurum kazina, mba mi b’rau ahle suma mam yozï ata yima dur ayînina woyo.

Wana ni Zla d’a Djivi d’a Luc mi b’irita 4:23

Mi dazi ala: Dam agi mba dan zla d’a d’ogol la wanda ala: Dokdorâ, ang sut tangû. Ahle suma ang lazi kur Kapernayum suma ami humuzi ang lazina, ang lazi ka hî kur aziyang mi.

Wana ni Zla d’a Djivi d’a Luc mi b’irita 4:39

Mi hud’o kä kad’u, mi dat ala: Ta d’a kumura, ndak aragu! Tat ta kumura ti arat mi. Ti tchol atogo zak, nga d’i lazi sunda.

Wana ni Zla d’a Djivi d’a Luc mi b’irita 4:41

Muzuk ma tchona ablaud’a a buzuk kei kur suma, a er ad’uzi akulo ala: Angî Alona Goroma! Wani Jesus ngoboziya, mi arazi nga lovota á de zlad’a d’i, kayam azi wum ala mam mi Mesi.

Wana ni Zla d’a Djivi d’a Luc mi b’irita 8:24

Azi mba, a zlid’im a dum ala: Ma hat suma, Ma hat suma, ami nga bami woyo. Jesus mi zlit akulo, mi ngop babarâ kabil ma nga lena. Babarâ kabilâ a sengâ, yina tchol b’et.

Wana ni Zla d’a Djivi d’a Luc mi b’irita 9:39

Muzuk ma tchona mi vumu, atogo hina zak mi er ad’um akulo, muzu’â nga mi som mbei ngingring, angufa nga d’i ndavunamu, gak mi ar go á matna tua ba, mi aramu.

Wana ni Zla d’a Djivi d’a Luc mi b’irita 9:42

Kid’a gor máma mi mba go ki Jesus-d’a, muzuk ma tchona mi tchum kä, nga mi mbuzuk kä dudu. Wani Jesus mi ngop muzuk ma tchona, mi sut gor máma, mi hulongôm mabumu.

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.