Wana ni Zla d’a Djivi d’a Luc mi b’irita 4:2 - Bible azumeina

² Mi le burâ dok fid’i kua, Diable nga mi kugum mi. Kur bur máma pet mi te nga va d’i. Kid’a bur máma dapa, meid’a nde d’i tchumu.

Wana ni Zla d’a Djivi d’a Luc mi b’irita 4:2 Kruisverwysings

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

1 Amuleina 19:8

Elie mi tchol akulo, mi te, mi tche, mi fad’enga ki te máma, mi tit gagak burâ dok fid’i falei kandjege, mi mbaza yam ahinad’a hAlona d’a Horep-pa.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Buzuk ka Abud’a 24:18

Moise mi kal kur d’ugula, mi djak akulo yam ahinad’a, mi le burâ dok fid’i falei kandjege akulo yam ahina ndata.

Buzuk ka Abud’a 34:28

Moise mi kak sä hî ki Ma didina burâ dok fid’i falei kandjege, mi te nga avu d’uo, mi tche nga mbiyo d’uo mi. Ma didina mi b’ir zla d’a a djin vunazi kata kä kur ahina d’a bebed’e d’a tcheta, nala, vun ma he ma dogona.

Jonas 3:7

Ata yi máma amulâ mi he vuna kur azì ma Ninif-fâ ala: Wana ni vun ma hed’a hi an amulâ ki man suma sundina: Ar sa tu pî mi te va d’oze mi tche va d’uo mi, ar d’uwar ma nglona ki ma gureina mi te hatna d’oze mi tche mbina d’uo mi.

Matiye 21:18

Ki yorogo tcholol la Jesus nga mi hulong kur azì ma ngolîd’a, meid’a nga d’i tchumu.

Matiye 4:2

Ata yi máma, mi le burâ dok fid’i falei kandjege bei te tena; meid’a ti nde tchumu.

Wana ni Zla d’a Djivi d’a Luc mi b’irita 4:3

Ata yi máma, Diable mi dum ala: Ang le nAlona Goroma ni, ang he vuna mahina d’a wanda ti mbut avuna.

Jean 4:6

Ata yi máma, golonga hi Jakob-pa nga kua. Kayam Jesus mi kau abo tita, mi kak kä avun golonga kafata faleya.

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.

Gat ta a hat á mbàd’id’a 9:25

Ata yima an hum Ma didina mi dala mam min mi dabagi woyo na, an grif kä avoromu, an le burâ dok fid’i falei kandjege.

Gat ta a hat á mbàd’id’a 9:9

Kid’a an djak akulo yam ahinad’a á veï ahina d’a bebed’e d’a tchet ta Ma didina mi djin vunam ki sed’egi kura, an le burâ akulo yam ahinad’a dok fid’i falei kandjege bei ni te tena, bei ni tche mbina ba mi.

Hebre-na 2:18

Wani ki tchetchemba, mi ndak á ndjun suma Seitan nga mi kuguzina, kayam a kugum mam tamba avok ata yima mi fe ndakina.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

1 Samuel 17:16

Goliyat ma Filistê-na nga mi nde tam mbei yorogo ki fladege ir azigar suma Israel-lâ, mi tagazi tam tatak burâ dok fid’i.