Wana ni Zla d’a Djivi d’a Luc mi b’irita 3:11 - Bible azumeina

¹¹ Mi hulong dazi ala: Sama nga ki barud’a mbàna, mi he tu mi sama nga ki d’uo na; sama nga ki tenina, mi le hina mi.

Wana ni Zla d’a Djivi d’a Luc mi b’irita 3:11 Kruisverwysings

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 18:22

Kid’a Jesus mi hum zla ndatid’a, mi dum ala: Ang kid’ak va tu. Ang gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï tit ad’unu.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Jean 13:29

Kayam Judas ni sama bid’im mba gurzud’a nga aboma, suma hiuna a djib’er ala Jesus mi dum ala: Ang i guzî ahle suma ei minizi á vun tilîna, d’oze, Ang i he ni va mi suma hohoud’a kla ge.

Sunda hi suma a sunuzinid’a 10:2

Ni sama djivina, nga mi le mandara Alona ki suma avo hatama pet. Mi nga mi ndjun suma hou suma Juif-fâ ngola, nga mi tchen Alona teteu mi.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Sunda hi suma a sunuzinid’a 10:4

Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jacques 2:14

B’oziyona, le sana mi dala mam he gagazid’a, wani sun mata le nga d’uo ni, djivi mata ni me ge? He gagazi ndata ti ndak á sud’um zu?

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

1 Jean 4:20

Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?