Wana ni Zla d’a Djivi d’a Luc mi b’irita 23:35 - Bible azumeina

³⁵ Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!

Wana ni Zla d’a Djivi d’a Luc mi b’irita 23:35 Kruisverwysings

Sawal la giled’a 22:17

Suma murud’umba a nga ngui gevenu, a nguyun kä d’igi ades adureina a ngui suma na, a b’alan abon kasenu.

Sawal la giled’a 35:15

Wani ata yima an puk kä na, azi tok tazi á le furîd’a, azi tok tazi kan á lan tchod’a bei an we ba, azi nga ton a nga kizagan ndei bei aran ba.

Sawal la giled’a 4:2

Ang Alo ma we d’ingêr mandina, ata yima an yangâ, ang humunu! Ata yima suma a nga djobon vunana, ang b’lengên hurunu. Ang wan hohowonu, ang hum tchen manda!

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Sawal la giled’a 71:11

Azi nga dala: Alona mi aram mbeyo; agi digimu, agi vumu; sama prud’um mbei abogina nga d’i!

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Hor ma tchina 3:14

An mbut ni vama sanda hi sum manina pet, an mbut ni va mazi ma ge sawala burâ ki burâ.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Matiye 12:18

Gola! Azong man ma an manam ma an le kam heîna, ni ma tan ndi lan djivid’a heî kama, an mba ni tin Muzuk mana kamu. Mam mba mi tchi wal yam sariya manda mandjaf suma dingâ,

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 23:13

Pilat mi yi nglo suma ngat buzuna azi ki suma te yamba ki suma gevemu,

Wana ni Zla d’a Djivi d’a Luc mi b’irita 23:39

Ma dingâ tu aduk suma a b’alazi akulo ki Jesus na, mi las Jesus, mi dum ala: Ang ni Mesi d’uo zu? Ang sut tang ki ami mi.

1 Pierre 2:4

Ar agi hud’ugi gen Salad’a, ahina d’a ari d’a suma min gonga a gat teid’a, wani ni d’a guzut kal tegles sa Alona mi manata.