Wana ni Zla d’a Djivi d’a Luc mi b’irita 21:8 - Bible azumeina

⁸ Jesus mi dazi ala: Agi gologi tagi djiviya, ar sa mi vid’igi woi d’i. Kayam ablau suma a mba mba ki simiyênu, a mba dala: An ni Mesi máma, yi máma mi mba wa da’. Wani agi igi ad’uzi d’i.

Wana ni Zla d’a Djivi d’a Luc mi b’irita 21:8 Kruisverwysings

Jeremi 29:8

Ma didin ma ad’engêm kal petna, Alona hi Israel-lîna, mi de kua ala: Ar suma djok vun suma a nga adigagina ki suma a nga de zlad’a yam vama nga mi mbana a vid’igi woi d’i, ar agi tinigi humagi yam suma a nga vagi ad’u adïd’ina d’uo mi.

Matiye 24:11

Suma djok vun suma ka zlad’a ablaud’a a mba tchola, a mba lop vun suma ngola mi.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 4:17

Ata yi máma, Jesus mi tin ad’u tchi wala ala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Wana ni Zla d’a Djivi d’a Luc mi b’irita 17:23

A mba dagi ala: Agi gologi sä hî, d’oze, Agi gologi kä wana. Agi tchologi d’i, agi igi ad’uzi d’uo mi.

Wana ni Zla d’a Djivi d’a Luc mi b’irita 21:7

Mam suma hata a djobom ala: Ma hat suma, ahle ndazina a mba le ni mindja ge? Vama simat ma mba mi le ba suma a mba wala ahle ndazina a mba wa go na ni me ge?

Wana ni Zla d’a Djivi d’a Luc mi b’irita 21:9

Fata agi humugi zla ayî ma durâ ki siwelid’a, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a ata yi máma d’i.

Jean 5:43

An mba ki simiyê Abunu, wani agi van nga atagi d’i. Le sama dingâ mi mba ki simiyêm mam tamba ni, agi mba vum atagiya.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Jean 8:28

Kayam ndata, Jesus mi dazi ala: Fata agi gabagi wa an Gor Sana akulo ni, kur bur máma agi mba wagi ala an ni Ma nga na. An nga ni le va yam tan ndi, wani an nga ni de ni vama Abun had’andjina.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

2 Tasaloni’â 2:3

Kayam ndata, ar sa lobogi ki zla d’a ding ngi. Kayam avok bur máma bei mba tua d’a, ablau suma a mba ar lovota hAlonid’a woyo, Ma tchona mba mi nde tam mbei ir suma, ni ma nga kam á bad’a woina.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.

Vama ndum mbeina 1:3

Sama nga mi ndum mbaktum mba wanda azi ki suma a nga hum zla d’a tcholï avun Alona d’a suma a nga djogot teid’a suma a nga ge yazi kä ad’u vama a b’irim kur mbaktum mba wandina, a le furîd’a, kayam yima ngam yam ahle ndazinina mi ar wa go.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.